Ижкар+18 °C
9 -тӥ куартолэзь 2021 Воскресенье
18+

Калашниковлы синпелетэз Москваын 19-тӥ куарусёнэ усьтозы

  • 526
  • 0
Москва / Россия
Калашниковлы синпелетэз Москваын 19-тӥ куарусёнэ усьтозы
Туспуктэм: ПРЕСС-СЛУЖБА МИНКУЛЬТУРЫ РОССИИ

19-тӥ куарусёнэ, куке Россиын Пыӵал тӥрлык поттӥсьёслэсь нуналзэ пусъё, Москваын быдэс дуннелы тодмо луись ыбылӥськон тӥрлыкез кылдытӥсьлы, Ижысь конструкторлы Михаил Калашниковлы синпелет усьтозы. Со сярысь ивортэ Россиысь Лулчеберетъя министерстволэн пресс-службаез.

Россиысь калык художникен Салават Щербаковен кылдытэм скульптура Садово-Каретной но Долгоруков сюресъёс вожысь скверын кылдоз.

Ужрадэ Москвалэн мэрез Сергей Собянин, Россиысь лулчеберетъя министр Владимир Мединский, «Ростех» кун корпорацилэн кивалтӥсез Сергей Чемезов, конструкторлэн нылыз Елена Калашникова пыриськозы.

Тодэ вайытом, нырысь ик синпелетэз 21-тӥ толшоре усьтыны чаклало вал — со нуналэ 1948-тӥ арын СССР-ысь вооружениея министр Дмитрий Устинов Калашниковлэсь автоматсэ эскерон вылысь поттон сярысь пуктэтэз юнматӥз вал. Берлогес 8-тӥ куартолэзьлы выжтӥзы, но со нуналэ но синпелетэз ӧз усьтэ.



Наверх
Вниз