Ижкар-12 °C
28 -тӥ тулыспал 2021 Воскресенье
18+

160 миллион манет басьтыны чакла Удмуртия куашкам юртын улӥсьёслы патер висъяны

  • 396
  • 0
Ижкар / Удмуртия
160 миллион манет басьтыны чакла Удмуртия куашкам юртын улӥсьёслы патер висъяны
Туспуктэм: Григорий Фомин

Удмуртиысь тӧрлыкъёс Ижкарысь Удмуртской урамысь 261 номеро юртын улӥсьёслы федерал коньдэтысь юрттэт чотын 160 миллион манетлэсь трос басьтыны оско. Туннэ, 11-тӥ толсуре, журналистъёсын вераськыкуз со сярысь ивортӥз улосвыллэн тӧроез Александр Бречалов.

Со 160 миллион манетлэсь тросгес. Малы ке шуоно быдэс витетӥ подъездлы патеръёс висъяны кулэ…
Александр Бречалов, Удмуртилэн тӧроез

Улосвыл кивалтӥсь ватсаз, коньдонэн юрттэт басьтон понна кулэ луись вань ужкагазъёс 9-тӥ толсурозь лэземын вал шуыса.

Арня талэсь азьвыл Александр Бречлов ивортӥз вал, со юртын улӥсьёслы оглом 200 миллион манет пала висъязы ни шуыса. Нырысетӥ куинь подъездъёсы калыкез 27-тӥ толсуре лэзьыны чакламын вал.

Тодэ вайытом, чагыр эстӥськон пуштэм сэрен 9-тӥ шуркынмонэ куать подъездэн укмыс этажъем коркалэн витетӥ подъездэз куашказ. Озьы ик 4-тӥ но 6-тӥ подъездъёслэн конструкциоссы изъянмемын. Нырысь-валысь дунъетъя, со подъездъёс улыны уг ярало. Мукетъёсаз куинь подъездъёсын ваньбуретлы изъян шараямтэ.

Подъезд куашкан сэрен сизьым адями быриз, соос пӧлын кык нылпиос.

Юртэз юри куашкатэмен янгыше уськытыса, ӝегатэмын 27 аресъем пиосмурт. Следстви чакламъя, со патераз чагыр эстӥськонэз юри лэзиз но ачиз кошкиз.

Югдур сярысь вань иворъёсты лыдӟе «Ижкарын 9 этажъем коркалэн подъездэз куашказ» сюжетысь


Наверх
Вниз