Ижкар-1 °C
27 -тӥ шуркынмон 2021 Кӧснунал
18+

Устооссэ удмурт анайёсты пусйизы «Анайлы сӥзьыса» пумиськонын Ижкарын

  • 798
  • 0
Ижкар / Удмуртия
Устооссэ удмурт анайёсты пусйизы «Анайлы сӥзьыса» пумиськонын Ижкарын
Туспуктэм: Наталья Еркешева

Ижкарысь Калыкъёслэн эшъяськон юртазы 18-тӥ толсуре «Удмурт нылкышно кенеш» огазеяськонлэн «Анайлы сӥзьыса» йылпумъян ужрадаз устооссэ удмурт анайёсты пусйизы. «Удмурт нылкышно кенешлэн» кивалтӥсез Надежда Степанова верамъя, та нылкышноос пинал будэтэм понна гинэ данъямын ӧвӧл, соос огазеяськонлэн ужрадъёсаз мылысь-кыдысь пырисько, соосты радъяны юртто.

«Огезлэсь пӧртэм мукетыз анайёсмы, туж синмаськымонэсь. Соосты огшоры анай сомында нылпи будэтӥз шуыса гинэ ӧм пусъе. Соос, нырысь ик, милям «Нылкышно кенешлэн» ужаз пырисько. Милям «Нылкышно кенеш» клубъёс кылдытъямын ёросъёсын, со ёрос клубъёсын соос азьветлӥсьёс луо», — пусйиз Надежда Степанова.

«Устоез удмурт анай 2017» нимез Дэри ёросысь Хохряки гуртысь Лиана Соловьёва басьтӥз. Ивортодэтъя «Удмуртия» агентстволы верамезъя, ӟучомем гуртын улыса, со удмурт кылэз утьыны тырше. Нош тужгес умой анайёс пӧлы пыремез мытэм ужзэ азьланьтыны эшшо но золгес бурдъяз.

Пиналъёсме тыршисько удмурт кыллы дышетыны. Атаймы ӟуч ке но, пумит ӧвӧл, со ачиз но кыллюкам аслыз нуэ. Удмурт-ӟуч кыллюкамез вань, тетрадез вань, кылъёссэ гожъя. Солэн но мылкыдыз вань та кылмес тодыны
Лиана Соловьёва

Пичи Пурга черкогуртысь Наталья Верёвкина но туэ устоез удмурт анай луиз. Со «Италмас» нылпи садэн кивалтэ, соин ик аслэсьтыз но пиналъёссэ, садике ветлӥсьёсты но удмурт шӧмын визьноданы тырше.

«Мынам аслам ньыль нылпиосы. Мыныкузы соос умой-умой, наӵ-наӵ удмурт кылын верасько, мыно нылпи садэ но кык толэзь куспын вунэто со кылзэс. Соин ик мон аслым сыӵе ужпум пуктӥ, кызьы меда удмурт кылмес быдэс кельтыны, нылпиос со удмурт кылэз мед утёзы шуыса», — сюлмаське Наталья Верёвкина.

Со верамъя, удмурт кылэз утён ужпумез со киужъёслэсь но дӥсьёслэсь чеберлыксэс возьматон пыр быдэстэ. Пичиен-пичиен кылъёслэсь пуштроссэс адӟыса, пиналъёс кылэз валаны кутско, шуэ нылпи садлэн кивалтӥсез. Наталья Верёвкина малпамъя, пичиосын сяна, анай-атайёсын но ужез туж юн нуоно.

Котькуд ужез кутсконо ке, нылпиен гинэ ужано ӧвӧл, анай-атаен, собере песянай-песятайёсын но. <…> Ваньмы ӵош со ужез кутскимы ке, быгатомы, быдэстомы
Наталья Верёвкина

Тодэ вайытом, туэ «Удмурт нылкышно кенешлэн» ӵектосъёсыз анайлыклы сӥземын вал. Куинь тужгес устооссэ ужрадъёсты йылпумъян пумиськонын пусйизы.



Наверх
Вниз