100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Элькун «Герд лыдӟонъёс» Вавожын 15-тӥ тулыспалэ ортчозы

  • 481
  • 0
Вавож / Удмуртия
Элькун «Герд лыдӟонъёс» Вавожын 15-тӥ тулыспалэ ортчозы
Туспуктэм: Григорий Фомин

Тодмо луиз элькун «Герд лыдӟонъёсты» ортчытонлэн дырыз но темаез. Конференци Вавожысь лулчеберетъя юртын 15-тӥ тулыспалэ ортчоз. Ужрадлэн темаез: «Кузебай Герд улэ асьмемын ӵош». Со сярысь ивортодэтъя «Удмуртия» агентстволы «Удмурт Кенеш» огазеяськонлэн кылкутӥсь секретарез Елена Александрова вераз.

Солэн кылъёсызъя, «Герд лыдӟонъёсъя» ужась ӧрилэн пумиськонэз 16-тӥ толшоре ортчиз. Дырзэ но темазэ сяна, радъясьёс валтӥсь докладчикез но бырйизы. Со литератураез эскерись но кылбурчи, кылосбур тодосъя доктор Василий Ванюшев луоз. Озьы ик ужрадын мылкыд карисьёс но вераськыны быгатозы.

Вань пыриськисьёс (Кузебай Герд нимо — ред.) гимназиысь дышетӥсьёс но нылпиос, собере отысь но вань мылкыд карисьёс, Вавожысь. Озьы ик тодосчиос сётэмын мылкыд, Йӧскалык лыдӟетъюртысь вуэмын куронъёс
Елена Александрова

Чакланъёсъя, «Герд лыдӟонъёс» элькун конференцие 400 пала адями люкаськоз.

«Удмурт Кенешлэн» кылкутӥсь секретарез ватсаз, ужрадъя паськытатэм оргкомитет Вавож ёрос администрациын 19-тӥ толшоре люкаськоз. Отчы огазеяськонлэн тӧроез Татьяна Ишматова но пыриськоз.

Элькун конференциез радъянъя но ортчытонъя Вавож ёросысь ӧрилэн нырысетӥ пумиськонэз 11-тӥ толшоре ортчиз. Отын вераськизы, кыӵе огазеяськон, ӧнерчи мар понна кылкутоз. 

Тодэ вайытом, элькун «Герд лыдӟонъёс» Ижкарлэн палэназ туэ кыктэтӥзэ радъяськозы ни. Кылем арын ужрад Пичи Пурга ёросын ортчиз.



Наверх
Вниз