100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

«Бадӟым удмурт диктант» туэ 31-тӥ южтолэзе ортчоз

  • 436
  • 0
Ижкар / Удмуртия
«Бадӟым удмурт диктант» туэ 31-тӥ южтолэзе ортчоз
Туспуктэм: Григорий Фомин

Удмурт кылын шонер гожъяськыны быгатэмез эскеронъя «Бадӟым удмурт диктант» акция 2017-тӥ арын 31-тӥ южтолэзе ортчоз. Азьвыл сое ӟуч кылъя «Тотальной диктантэн» одӥг нуналэ радъяло вал. Мылкыд карисьёс кыказ но ужрадэ пыриськыны мед быгатозы шуыса, удмурт ужрадэз Ашальчи Окилэн вордскем нуналэзлы (4-тӥ оштолэзь) матысь лыдпусэ выжтӥзы. Со сярысь туннэ, 30-тӥ толшоре, «Удмурт кенеш» огазеяськонлэн пумиськоназ тодмо луиз.

31-тӥ южтолэзез Ашальчи Окилэн вордскем нуналэзлы сӥзьыны луэ
Наталья Кондратьева, Удмурт кун университетысь Удмурт кылосбуръя, финно-угроведениея но журналистикая институтлэн кивалтӥсез

«Бадӟым удмурт диктантэз» гожтон понна Ижкарын, элькунлэн ёросъёсаз но мукет улосвылъёсын удмуртъёс тросэн улон интыосын нимысьтыз площадкаос кылдытозы. Со сяна, азьвыл аръёсы сямен ик, котькуд адями диктантэз «Мынам Удмуртие» радиоысь кылзыса гожтыны быгатоз.

Удмурт диктантлы текстэз, Кузебай Гердлэн вордскемез дырысен 120 ар тырмонлы сӥзьыса, кылосбур тодосъя кандидатэз Александр Шкляевез гожтыны куризы.

Тодэ вайытом, «Бадӟым удмурт диктант» акция 2018-тӥ арын сизьыметӥзэ ортчоз ни. Кылем арын диктантэз гожтыны Удмурт кун университетэ 36 адями лыктӥз, нош оглом ужрадэ 700-лэсь трос адями пыриськиз. 

Ватсалом, ӟуч кылын шонер гожъяськыны быгатэмез эскеронъя «Тотальный диктант» 14-тӥ оштолэзе ортчоз. Солы текст Россиысь тодмо гожъясь Гузель Яхина гожтоз. 



Наверх
Вниз