Ижкар+1 °C
13 -тӥ оштолэзь 2021 Пуксён
18+

Егор Загребинэз буре ваён пул усьтӥзы Якшур-Бӧдья ёросысь Мукши школаын

  • 639
  • 0
Мукши / Удмуртия
Егор Загребинэз буре ваён пул усьтӥзы Якшур-Бӧдья ёросысь Мукши школаын
Туспуктэм: Леонид Гонин

Туннэ, 16-тӥ южтолэзе, Якшур-Бӧдья ёросысь Мукши гуртысь шоръёзо школаын улосчизэс, Удмуртиысь калык гожъясез, Россиысь лулчеберет удысысь дано ужасез Егор Загребинэз буре ваён пулэз сӥё-дано усьтӥзы. Со сярысь ивортодэтъя «Удмуртия» агентстволы дышетсконниысь удмурт кылъя но литературая дышетӥсь Надежда Гильманшина вераз.

Ми Василий Широбоковлы (удмурт гожъясь - ред.) буре ваён пул шуккимы бере, Егор Загребинэз палэнэ кельтыны нокызьы ум быгатӥське вал. Кусыпъёсмы туж юнэсь вал соин. Гурт калык но куриз, соин ик малпамы та ужрадэз лэсьтыны
Надежда Гильманшина, Мукши шоръёзо школаысь удмурт кылъя но литературая дышетӥсь

Буре ваён пулэз сӥё-дано усьтонэ Егор Загребинлэн пиез, Россиысь Кун Думаысь депутат Алексей Загребин но «Удмурт Кенешлэн» тӧроез, Кун Кенешысь депутат Татьяна Ишматова пыриськизы.

«Туж ӟеч мылкыдын кошкиз со (Алексей Загребин — ред.). Тау кариз», — пусйиз Надежда Гильманшина.

Егор Загребинлы буре ваён пулэз усьтон

4 фото

Та нуналэ ик Мукши школаын Егор Загребинлы сӥзем элькун конференция радъяськиз. Отчы Якшур-Бӧдья, Эгра, Шаркан но Пичи Пурга ёросъёсысь 150 пала пиналъёс но бадӟымъёс пыриськизы. Ужрад улсын фильм кылдытонъя, гожъяськонъя, чеберлыко кылъя, удмурт кырӟанъя но мукет секциос ужазы. Мукшиос дано улосчизылы сӥзем конференциосты азьланяз но ортчытъяны чаклало, пусйиз гурт школаысь удмурт кылъя дышетӥсь.



Наверх
Вниз