Ижкар+22 °C
11 -тӥ пӧсьтолэзь 2020 Кӧснунал
16+

Ольга Фархутдинова: кык кылын вераськись пиналъёслы театръя студие ветлӥсьёс шудон пыр лулдуннезэс узырмыто

  • 456
  • 0
Ижкар / Удмуртия
Ольга Фархутдинова: кык кылын вераськись пиналъёслы театръя студие ветлӥсьёс шудон пыр лулдуннезэс узырмыто
Туспуктэм: Надежда Степанова

Ижкарысь кык кылын вераськись нылпиос понна туэ театръя студия ужаны кутскиз. Со кыккылолыкъя «Билингва» ӵектос но ваньмон дырез радъянъя «Нуныкай» огъет ужам улсын усьтӥськиз, ивортэ «Билингва. О практиках формирования двуязычия в современной городской среде» ӵектослэн пресс-службаез.

Театръя занятиос арнялы одӥг пол радъясько. Пиналъёсты «Шудон корка» нылпи телепередачалэн авторез но нуисез Ольга Фархутдинова дышетэ. Студиын уж кык группаын мынэ: 5–7 аресъемъёс «Лы корка» нимо мунё спектакль бордын ужало, нош 8–9 аресъемъёс «Репка» выжыкылэз дасяло. Театр студиысь дышетӥсьлэн валтӥсь ужпумез — удмурт нылпи телепередачаослы пинал нуисьёсты дасян, шуэмын ивортонын.

Театр — аспӧртэм дунне, нылпиослы со мылкыдъёссы ласянь туж матын луэ. Театрен шудон пиналъёслэсь быгатонлыкъёссэс усьтыны юрттэ, лулдуннезэс узырмытэ <…> Ми доры ветлӥсь нылпиослэн творчествоя будэмзы шумпоттэ. Соос уг ни кепырало, калык азьын асьсэзыз сэзь возё, удмурт кылын но ӵемгес вераськыны кутскизы
Ольга Фархутдинова, Теартъя студиысь дышетӥсь

Театръя студиын пумиськылонлэн нуналэз но дырыз сярысь «ВКонтакте» вотэсысь «Нуныкай» группаысь тодыны луоз.



Наверх
Вниз