Люкаськемъёсты пумитан кылъёсаз Грак ёрослэн тӧроез Виктор Белов вераз, элькунмылэн лымшор палаз, та музъемын гинэ Ашальчи Оки выллем сяська кылдыны быгатӥз шуыса. Татын вить пӧртэм йӧслыкъёс удмуртъёс, ӟучьёс, поръёс, чувашъёс но крашинъёс — огкылысь уло. Соослэсь аспӧртэмлыксэс пыӵатыса, Акилина Векшина возьматӥз соосты кылбуръёсаз.
Ми одӥг гинэ ёрос, кытын огкылысь вить йӧслыкъёс уло — со ӟучъёс, удмуртъёс, поръёс, чувашъёс но крашинъёс. Ми арлы быдэ вань лулчеберетъёслы сӥзем месячникъёс ортчытъяськом. Милям ноку но керетонъёс, ог-огместы ултӥянъёс уг луо. Мон малпасько, милям ёросамы гинэ Акилина Григорьевна кадь адями быгатӥз пыӵатыны вань со мылкыдъёсты, кудъёссэ возьматӥз аслаз кылбуръёсаз
Удмуртиысь йӧскалык политикая министрлэн Лариса Бурановалэн кылъёсызъя, 120 ар талэсь азьло Ашальчи Оки вордскемен валче удмурт история воштӥськиз.
Удмурт калыклэн кырӟан лулмы, дыр, Ашальчи Окимы. Нырысь ик со патриот, кызьы ми али шуиськом. Тӥ ваньды тодӥськоды, ас вакытаз со сыӵе сюрес бырйиз, кудӥз кулэ вал удмурт калыклы со дыръя. Филология факультетысь со выжиз медицинае, малы ке шуоно соку удмуртъёслы кулэ вал йӧнатӥсьёс. Нош кылбуръёсыз, кудъёсыз али кырӟанъёс, калык кырӟанъёс луизы — лулмы со луэ удмуртъёс понна
«Удмурт Кенеш» огазеяськонлэн тӧроез, элькунысь Кун Кенешлэн депутатэз Татьяна Ишматова пусйиз, «Ашальчи лыдӟонъёсы» люкаськем кышномуртъёс умой кышноос но анайёс сяна, ужазы но, мерлыко улонын но шаплы тыршо.
«Мон тодӥсько, со зэмос ужасьёс — нылкышноос, тыршисьёс, кудъёсыз вылын семья удыс гинэ ӧвӧл, ужез но азинто, со дыре ик мерлыко ужъёсын но вырыны быгато», — пусйиз Татьяна Ишматова.
«Ашальчи лыдӟонъёс» Грак черкогуртын
Журналист но гожъяськись Елена Миннигараева аслаз вераназ «Воштӥ
Вазен гожтэм кылбуръёсын умой шӧдӥське удмурт нылашлэн инкуазь дуннеын улэмез, ненег сюлэмо луэмез, но визьмыныз со вала аслэсьтыз туала улонын наивной луэмзэ. Вала, но валамез солэн уг поты, шуэ Елена Миннигараева. Аръёс ортчемъя удмурт нылкышно воштӥське, воштӥське солэн ачиз шоры учконэз но. Табере кышномурт сокем чигиськись ӧвӧл ни, возьдаськись но сокем ӧвӧл ни. Со эрико, воргоронлэсь пичи но бере кылисьтэм, но со ассэ озьы ик инкуазьлэн нылыныз лыдъя, пусйиз гожъяськись.
Ашальчи Оки вордӥськем дырысен ортчиз ни 120 ар, но котькыӵе поколениысь мед луозы кылбуръёс, соослэн пыдло сюлмазы, туала егит кылбурчиослэн но, улэ со Ашальчи Окилэн «лулы мынам возь бубыли ке но» чуръёсыз. Котькыӵе поколениысь мед луоз удмурт нылкышно кылбурчи, солэн пушкыз тыре, бӧрдэмез потыны кутске та чуръёсты кылыса
Со сяна, «Ашальчи лыдӟонъёсын» кылбурчиез тодэ ваиз внучатой племянникез Владимир Векшин. Ашальчи Окилэн картэныз,
Озьы ик ужрадын Ашальчи Оки нимо йӧскалык но ёрос премилэсь лауреатъёссэ пусйизы. Тодэ вайытом, элькун данъетэз туэ театроведлы Анна Евсеевалы но тодосчилы Галина Шушаковалы сётӥзы.
Ватсалом, элькун «Ашальчи лыдӟонъёс» кылбурчилы сӥзем стела доры сяська пононэн кутскизы.