Ижкар+1 °C
13 -тӥ оштолэзь 2021 Пуксён
18+

Ашальчи Оки нимо премилэн лауреатэз Галина Шушакова: мерлыко но дышетон ужме пусъемзылы шумпотӥсько

  • 789
  • 0
Ижкар / Удмуртия
Ашальчи Оки нимо премилэн лауреатэз Галина Шушакова: мерлыко но дышетон ужме пусъемзылы шумпотӥсько
Туспуктэм: Наталья Еркешева

Ашальчи Окилэн 120 ар тырмонэзлы сӥзем лыдӟонъёсын Грак ёросын 4-тӥ оштолэзе Ашальчи Оки нимо премилэсь 2018-тӥ ар понна лауреатъёссэ пусйизы. Элькун данъетэз туэ Удмуртиысь Йӧскалык театрын кема аръёс ӵоже ужам Анна Евсеева но фольклорист, кылосбур тодосъя кандидат Галина Шушакова басьтӥзы.

Кызьы шуиз журналистъёслы Галина Шушакова, Ашальчи Оки нимо премия со понна туж вылӥ дунлыко, малы ке шуоно удмурт нылкышнолэсь лулпуш дуннезэ та кылбурчилэсь мургес нокин ӧз усьты. Эшшо но сюлэм шумпотэ, данъетэз Ашальчи Окилэн вордскем музъем вылаз, Грак ёросын, сёто шуыса, пусйиз Галина Шушакова. 

Ӵапак Грак ёросын тодосчилэн семьяен герӟаськем одӥгез бадӟымез ӵектосэз быдэсмиз. Сое со «Удмурт Кенешен» ӵошен гожтӥз, ӵектос Россилэн азьмуртэзлэсь грантсэ утӥз.

«Со проект урод учыръёсы сюрем семьяослэн югдуренызы герӟаськем. Нылпиосын ми ужамы, лагерь соослы лэсьтӥмы. 2015-тӥ арысен со мынӥз быдэс ар. Семьяосын ужамы ми, ӧнерчиосты татчы нуллӥмы. Мон малпасько, Ашальчи Оки туж шумпотысал. Семьяос сярысь со кыӵе сюлмаськыса улӥз! Кырӟанъёсаз гинэ, кылбуръёсаз гинэ ӧвӧл, аслаз уженыз но со нылкышно сярысь, семьяос сярысь сюлмаськыса улӥсь кышномурт вал», — лыдъя Галина Шушакова.

Мерлыко ӵектосъёсын вырем сяна, Галина Шушакова быдэс улонзэ Удмурт кун университетын ужаз, студентъёслы удмурт чеберлыко кылослэсь пуштроссэ усьтыны тыршиз. Соин ик тодосчи шумпотэ, премия басьтэменыз сое ӟечкыланы Граке ӵош ужась эшъёсыз лыктӥзы шуыса. Соос сыӵе вылӥ дунъязы ӵош ужаммес но, мынэсьтым ужамме но, вера мылкыдзэ Галина Шушакова.

Мон малпасько, «Удмурт Кенешын» мерлыко ужан но мынам профессиональной уже — дышетон уж — огазеяськыса кошкиз. Пусйизы сое, мон шумпотӥсько
Галина Шушакова, Ашальчи Оки нимо элькун премилэн лауреатэз

Ватсалом, Анна Евсеева бадӟым арлыдэныз валче Гракозь кузь сюрес вылэ потыны ӧз дӥсьты, но со ёрос лыдӟетъюртлы аслэсьтыз книгазэ кузьым келяз.

Ашальчи Оки нимо премиен данъян

8 фото

Пусъём, Ашальчи Оки нимо йӧскалык премия сяна, Удмуртиын кылбурчилэн нимыныз ёрос данъетъёс юнматэмын Алнашын, Гракын но Юкаменскын. Грак ёрос премия 1999-тӥ арысен сётӥське ни. Туннэ нуналлы соин 58 кышномуртъёс пусъемын. Туэ «Ашальчи лыдӟонъёсын» куинь адямиез данъязы: Грах ёросысь потребительёслэн огазеяськонзылэн кивалтӥсез, ужбергатӥсь Ирина Удмуртова, Благодатной гуртысь клублэн кивалтӥсез Вера Григорьева но «Верхнеигринское» муниципал кылдытэтысь валтӥсь ӧнерчи-эксперт Наталья Долгова. 



Наверх
Вниз