Ижкар+19 °C
14 -тӥ оштолэзь 2021 Вирнунал
18+

«Нылпиослы ож сярысь лыдӟиськом» акциын Ижкарын «Облачный полк» книгаез шара лыдӟозы

  • 393
  • 0
Ижкар / Удмуртия
«Нылпиослы ож сярысь лыдӟиськом» акциын Ижкарын «Облачный полк» книгаез шара лыдӟозы
Туспуктэм: Удмуртиысь Йӧскалык лыдӟетъюртлэн пресс-службаез

«Нылпиослы ож сярысь лыдӟиськом» акци улсын Ижкарын Эдуард Веркинлэсь «Облачный полк» книгаысьтыз люкетъёссэ  шара лыдӟозы. Ужрад 4-тӥ оштолэзе 11 часын Удмуртилэн шоркарысьтыз Гоголь нимо бульварын ортчоз. Лыдӟись интыын туэ «Les Partisans» театрысь актёр Иван Личидов луоз. Со сярысь ивортодэтъя «Удмуртия» агентстволы элькунысь Йӧскалык лыдӟетъюртысь лулчеберетъя но югдытонъя программаосъя но ӵектосъёсъя ёзэтлэн кивалтӥсез Полина Абраменко вераз.

Солэн кылъёсызъя, акцие Ижкарысь 68 номеро школаын дышетскисьёс пыриськозы. Озьы ик котькуд мылкыд карисьёс но итӥськыны быгато. Иван Личидов сяна, эшшо одӥг лыдӟись луоз на. Со покчи кылзӥсьёслы ож сярысь лыдӟоз. Та дырлы кыкетӥ лыдӟись юнматэмын ӧвӧл на.

Отын пичи пиналъёс бере, соослы огшоры гинэ уг лыдӟо. Соосын верасько, соослы валэкто. Подходзы мукет соослэн
Полина Абраменко, Йӧскалык лыдӟетъюртысь ёзэтлэн кивалтӥсез

Тодэ вайытом, Вормон нуналлы сӥзем «Нылпиослы ож сярысь лыдӟиськом» 9-тӥ калыккуспо акцие Удмуртиысь Йӧскалык лыдӟетъюрт ньылетӥзэ пыриське ни.



Наверх
Вниз