Ижкар-13 °C
28 -тӥ тулыспал 2021 Воскресенье
18+

Ижкарысь Удмурт урамысь юртлэн люкетэз куашкам интыын шуэрес югдурез куштӥзы

  • 392
  • 0
Ижкар / Удмуртия
Ижкарысь Удмурт урамысь юртлэн люкетэз куашкам интыын шуэрес югдурез куштӥзы
Туспуктэм: Алексей Иванов

Ижкарысь Удмурт урамысь 261 номеро юртлэн подъездэз куашкам интыын шуэрес югдурез куштӥзы. Муниципал кылдытэтлэн тӧроезлэсь ужзэ быдэсъясен Сергей Задорожныен кинюртэм ужкагаз карлэн нимлыко сайтаз шараямын.

Шуэрес югудръя радэс (режим) 7-тӥ куартолэзе 17 часысен ужамысь дугдӥз. Кар тӧрлыкъёс азьвыл витетӥ подъездын улӥсьёсты огдырлы радъям улон интыосысь поттыны кулэ.

Тодэ вайытом, кылем арын шуркынмонэ Удмурт урамысь 261 номеро юртлэн витетӥ подъездэз чагыр эстӥськон пуштэмен сэрен куашказ. Шимучырын сизьым адями быриз, со пӧлын кык нылпиос. Следстви чакламъя, пуштонын та юртын ик улӥсь 27 аресъем воргорон янгыш, со янгыше уськытонлэн оглюкетэныз соглаш луиз. Али воргорон психиатрия стационаре выжтэмын.

Пуштон бере юртлэсь витетӥ подъездзэ быдэсак сэрттӥзы, ньылетӥ но куатетӥ секциослэсь кыре потэм борддоръёссэс юнматӥзы но шуныттӥзы. Отын улӥсьёс туэ 3-тӥ южтолэзьысен доразы берытскыны быгатӥзы. 24-тӥ оштолэзьысен витетӥ подъездын улӥсьёс ыштэм патеръёссы понна сертификатъёс басьтыны кутскизы, туннэ соос выль улон интые пыро ни.



Наверх
Вниз