Туннэ,
Коференцилэн ужан радлыкез:
09:00 — 10:00 — пыриськисьёсты пусъён;
10:00 — 10:15 — удмуртъёслэн нырысетӥ ӧтчамзы дырысен 100 ар тырмонлы сӥзем фильм;
10:15 — 12:00 — конференциез усьтон, пленарной ивортонъёс:
- Александр Шкляев, кылосбур тодосъя кандидат — «Нырысетӥ удмурт огазеяськонлы ӝоген 100 ар тырмоз»;
- Валентина Хазиахметова, истори тодосъя кандидат — «Три комиссара: архивные материалы повествуют» книгалэн материалъёсызъя Максим Прокопьев сярысь вылез »;
- Михаил Атаманов, кылосбур тодосъя доктор — «Елабуга удмурт калыклэн улоназ»;
- Николай Кузнецов, Удмуртиысь дано журналист — «Удмуртъёслэн нырысетӥ ӧтчамзы. Историяя документъёс пыр эскерон но малпаськонъёс»;
- Татьяна Иванова, Можгаысь Трокай Борисов нимо педагогикая колледжысь дышетӥсь — «Дышетӥсьёслэн семинариысенызы педагогикая колледжозь».
12:00 — 13:00 — нуназеян;
13:00 — 15:00 — секциосъя уж:
- «Егит тодосчи» — дышетскисьёслэн фольклоръя но шаертодонъя эскерон ужъёсынызы улосвылкуспо вожвылъяськон. Темаез: «Удмуртъёслэсь историзэс но этнографизэс дышетонын туала ужпумъёс»;
- Егитъёслы визьсынанъя «Шудком» шудон. Темаез: «Удмурт кунлыклы 100 ар тырмон азьын. Туала Россиялэн кылдытоназ удмурт калыклэн интыез»;
- Дошкольной дышетон но семьяен уж. Темаез: «Анай (удмурт) кылэз нылпи садъёсын дышетон. Азинскон сюресъёс»;
- Кыл но дышетон. Темаез: «Анай (удмурт) кылэз школаосын дышетон. Азинскон сюресэз утчан»;
- Лулчеберет но туризм. Темаез: «Этно- но экотуризм — азинскыны луонлыкъёс»;
- Тӧрлык. Мерлык. Кунмуртъёслэн кичӧлтонъёссы. Темаез: «Мер огазеяськонъёслэн мерлыко институтъёсты азинтонын интыез».
14:30 — 15:00 — резолюциез кутон, йылпумъянъёс лэсьтон;
15:00 — 16:30 — Алабгоысь тунсыко интыостӥ экскурсия;
16:30 — делегациослэн кошконзы.
Конференциез радъясьёс: Вань удмуртъёслэн «Удмурт Кенеш» огазеяськонзы, Татарстанысь Удмуртъёслэн лулчеберетъя йӧскалык автономизы, Татарстанысь Калыкъёслэн ассамблеязы но Калыкъёслэн эшъяськон юртсы. Юрттӥсьёс: Удмурт Элькунысь Йӧскалык политикая министерство, Татарстанысь Дышетонъя но тодосъя министерство, Татарстанысь Лулчеберетъя министерство, Елабуга ёрослэн но Елабуга карлэн администрациоссы.
Алабгоын ивортодэтъя «Удмуртия» агентстволэн корреспондентэз ужа. Нунал ӵоже со конференциысь ивортонъёс лэсьтоз.