«Удмуртия» издательство огдыре 9 выль книга поттӥз. Со пӧлын тодосъя, пиналъёслы но бадӟымъёслы чеберлыко литература. Со сярысь ивортодэтъя «Удмуртия» агентстволы вераз ужъюртлэн кивалтӥсез Юрий Кузнецов.
Одӥгез соос пӧлысь истори тодосъя докторлэн, Удмурт кун университетысь профессорлэн Владимир Владыкинлэн
Переиздание шуыны луоз-а сое, куке уж быдэсак выльысь лэсьтэмын. <…> Cо выльысь бичаса, выль вёрстка, выль формат, выльысь автор ужаз, научной аппарат ватсаз
Владыкинлэн книгаез 500 лыдын поттэмын. Издательстволэн кивалтӥсез верамъя, книга ар ӵоже басьтӥсьсэ шедьтоз.
Тодосъя ужъёс пӧлы пыртыны луэ Яков Корманлэсь «Энциклопедия творчества Владимира Высоцкого: гражданский аспект» монографизэ. Татын Высоцкийлэн пӧртэм ӧръя ужъёсыз мерлык но политика ласянь эскеремын, кылбуръёсыз ӟуч классикъёслэн гожтэмъёсынызы ӵошатэмын. Книга Владимир Высоцкийлэн кылбуретэныз но
«Поттэмын 150 экземпляр гинэ, со ваньмыз кошкоз интернет пыр. Ижкарысь книга ӝажыос вылэ уз ик пыра вообще. Али книгалэсь тиражзэ учконо ӧвӧл ни, книгаез ассэ учконо. Малы ке шуоно вот со 150 экземпляр, но дуныз но, данъетэз но туж бадӟым», — пусйиз Юрий Кузнецов.
«Удмуртия» издательстволэн выль книгаосыз
Нылпиослы чакламын Галина Романовалэн ӟуч кылын веросъёсын но выжыкылъёсын «Чёрное озеро и живая трава» книгаез. Озьы ик пиналъёслы поттэмын Ижкарысь Ольга Глуховалэн «Мамина дочка» книгаез. Выльысь поттӥзы «Я живу в Удмуртии» книгаез.
Калык куремъя, выльысь выльдыса, тупатъяса, поттӥмы «Я живу в Удмуртии» нылпиослы книгамес. Малы ке шуоно кылем арын поттэм тиражмы быдэсак быриз вал ини
Бадӟымъёслы кылбуръёсын но, прозаен но книгаос поттӥзы.
Туж шумпотӥськом, Анатолий Демьяновлэн потӥзы быръем произведениосыз — «Время серебра» нимаське. Сыӵе ӟеч кылбуръёс кемалась ӧй вал ни поттамын удмурт шаерамы. Выль автормы кылдӥз — Милонен Романна, асьме Ижкарын будэм нылаш али ужа Петербургын. «Сага о вампирах» пормагес, нимаське «Романна. Записки моего мира» шуыса, туж тунсыко роман
Нялтас вераса, асьме гожъясьёслэсь ужъёссэс Удмуртиын улӥсьёс гинэ уг басьто. Юрий Кузнецовлэн кылъёсызъя, выль книга потэм бере ик куронъёс пӧртэм интыосысь вуо.
«Авторъёсмы, пересьёссэ вератэк, туж продвинутоесь — соос котькыӵе сайтъёсын, котькыӵе маръёсын, соин ик книга потэ гинэ ке, ми паймиськомы — туж трос куронъёс вуо интернет, электрон почта пыр, курыса, келяны
Тодэ вайытом, 2017-тӥ арын «Я живу в Удмуртии» книгаез Печатья но калыке ивортодэт вӧлмытонъя федерал агентстволэн «Малая Родина» конкурсаз дипломен пусйизы.
Ватсалом, 31-тӥ куартолэзьысен 1-тӥ инвожоозь «Удмуртия» издательство Москваын радъяськись книгаосъя «Красная площадь» ньылетӥ фестивале пыриськоз. Отын со 70 пала книгаоссэ возьматоз, соос пӧлысь ог кызез удмурт кылын гожтэмын.