Ижкар-24 °C
6 -тӥ толсур 2021 Вордӥськон
18+

Дас ар куспын Ижкарын улӥсьёслэн лыдзы ог 37 сюрс адямилы будӥз

  • 841
  • 0
Ижкар / Удмуртия
Дас ар куспын Ижкарын улӥсьёслэн лыдзы ог 37 сюрс адямилы будӥз
Туспуктэм: Григорий Фомин

Берло дас ар куспын Ижкарын улӥсьёслэн лыдзы 37 сюрс 200 адямилы яке 5,7 процентлы будӥз. Туннэ нуналлы Удмуртилэн шоркараз 648 сюрс 200 адями улэ. Сыӵе лыдпусъёсты Карлэн нуналэз азьын Удмуртстатлэн пресс-службаез шараяз.

Тодэтъёсъя, Ижкарын воргоронъёс шӧдскымон ӧжытгес, статистикая, 10 «нылашъёслы» 8 гинэ «пияшъёс»
Удмуртстатлэн пресс-службаез

Кызьы пусъемын ивортонын, 56,7 процентэз Ижкарын улӥсьёс – ужано арлыдъем муртъёс (16-59 аресъем воргоронъёс но 16-54 аресъем нылкышноос). 23,7 процентэз – ужан арлыдысь потэмын, нош 19,6 процентэз – ужано арлыдозь вуымтэ адямиос.

Пусъемын, кылем арын Ижкарын 8 сюрс 43 пинал вордскиз. Шоркарын вордскемъёслэн лыдзы, улосвылъя шоро-куспо лыдпус сярысь, тросгес. Огъя элькунъя чаклано ке, вордскемъёс чотын калык йылэмъя Удмуртилэн шоркарез Дэри но Ува ёросъёс бере куинетӥ инты басьтэ.



Наверх
Вниз