Ижкар+11 °C
18 -тӥ коньывуон 2021 Вордӥськон
18+

Кык команда пыриськиз «Шудком» визьбурлыко шудонлэн нырысетӥ пумиськоназ Балезино ёросын

  • 828
  • 0
Балезино / Удмуртия
Кык команда пыриськиз «Шудком» визьбурлыко шудонлэн нырысетӥ пумиськоназ Балезино ёросын
Туспуктэм: vk.com (ВБалезино)

Балезино ёросын «Шудком» визьбурлыко шудон кутскиз. Удмурт кылын нырысетӥ шудонэ кык команда пыриськиз – Люк черкогуртысь «Визьпогъёс» но Пыбья черкогуртысь «Оло зэм, оло даур» командаос. Пумиськон 10-тӥ гудырикошконэ ортчиз. Со сярысь «ВКонтакте» мерлыко вотэсысь «ВБалезино» огинын ивортэмын

Шудонэ пыриськисьёслы 27 юанлы валэктон сётӥзы. Соос пӧртэм удысъёсысь вал, со пӧлын суредан искусство, история, кино, спорт но мукетыз. Ӟырдыт нюръяськонын вормизы «Визьпогъёс». Команда валтӥсь кузьымлы одӥг вамышлы матынгес луиз. Кубокез нырысетӥ сезонын тужгес трос пол вормем команда басьтоз.

Балезино ёросын удмурт кылын визьбур шудонэз егитъёслэн «Шунды» огазеяськонзылэн ёросысь ёзэтэз радъяз.

Тодэ вайытом, «Шудком» - «Что? Где? Когда?» но «60 секунд» выллем шудон. Удмуртиын ӵектос 2016-тӥ арын кутскиз. Ижкарын радъяськись пумиськонъёсы али 20-лэсь ятыр командаос пырисько ни. «Шудком» удмурт визьбур клублэсь валтӥсь кузьымзэ бӧрсьысь кык ар «Валамон-Паримон» команда утӥз.

Ватсалом, «Шудком» шудонъёс Пичи Пурга но Кияса ёросъёсын ортчыло ни. 



Наверх
Вниз