Ижкар-11 °C
22 -тӥ толшор 2021 Удмуртарня
18+

Ижкарысь дышетскисьёсты Кавказын улӥсь калыкъёслэн йылолъёсынызы тодматозы

  • 408
  • 0
Ижкар / Удмуртия
Ижкарысь дышетскисьёсты Кавказын улӥсь калыкъёслэн йылолъёсынызы тодматозы
Туспуктэм: Григорий Фомин

Удмуртиысь Калыкъёслэн эшъяськон юртсылэн «Кавказысь калыкъёс» («Народы Кавказа») ӵектосэз улсын Ижкарысь школаосын дышетскисьёсты Кавказын улӥсь калыкъёслэн йылолъёсынызы тодматозы. Нырысетӥез пумиськон ӵуказе, 12-тӥ коньывуонэ ортчоз, ивортэ ужъюртлэн пресс-службаез.

Пиналъёслы Удмуртиын улӥсь азербайджанъёслэн «Достлуг», армянъёслэн – «Урарту», чеченъёслэн «Даймохк», абхазъёслэн - «Амра» огазеяськонъёссы но гурзинъёслэн бӧляксы сярысь вералозы. Озьы ик Кавказын улӥсь мукет калыкъёсын, вӧсьлыкъёсын, йылолъёсын тодматозы, кызьы соос асьсэдыз возё арлыдоосын, нылкышноосын но нылпиосын.

«Кавказысь калыкъёс» ӵектос улсын дышетскисьёс праздникъёс, сямъёс, йӧскалык дӥськутъёс, крезьгуро культура, сиён-юонъёс сярысь тодозы. Озьы ик пиналъёс понна пӧртэм шудонъёс, йӧскалык эктонъёс чакламын.

Ӵектосэ пыриськон пумысен (3412) 63-10-89 телефон номеръя жингыртоно. 



Наверх
Вниз