Ижкар+1 °C
13 -тӥ оштолэзь 2021 Пуксён
18+

Актрисалы Нина Бакишевалы буре ваён пул усьтӥзы Вавож ёросын

  • 522
  • 0
Тыловыл / Удмуртия
Актрисалы Нина Бакишевалы буре ваён пул усьтӥзы Вавож ёросын
Туспуктэм: vk.com (Удмуртский национальный театр)

Вавож ёросысь Тыловыл черкогуртлэн школаяз Удмурт АССР-лэн но РСФСР-лэн дано артисткаезлы, Удмурт АССР-лэн калык артисткаезлы Нина Бакишевалы буре ваён пул усьтӥзы. Ӵапак та ужъюртын 1934-1946 аръёсы дышетскиз вуоно актриса. Со сярысь ивортодэтъя «Удмуртия» агентстволы дышетсконнилэн кивалтӥсез Михаил Виноградов вераз.

Пулэз сӥё-дано усьтон ужрад 10-тӥ коньывуонэ ортчиз. Михаил Виноградовлэн кылъёсызъя, буре ваён пулэз Удмурт йӧскалык театрлэн кивалтӥсез Андрей Ураськин, «Удмурт Кенеш» огазеяськонлэн Вавож ёросысь ёзэтэзлэн тӧроез Геннадий Шубин но Нина Бакишевалэн ӵыжы-выжыосыз кичӧлтэмъя лэсьтӥзы. Соос сяна, ужрадэ Вавож ёрослэн тӧрлыкъёсыз, школаын дышетскисьёс но актрисаен ӵош ужам муртъёс пыриськизы.

Кызьы вераз ивортодэтъя «Удмуртия» агентстволы Йӧскалык театрысь литературая ёзэтлэн кивалтӥсез Наталия Панфилова, театре Нина Бакишева 1951-тӥ арын Ленинградысь А. Н. Островский нимо театр институтэз йылпумъям бераз лыктӥз но татын 1990-тӥ арозь ужаз. Та дыр ӵоже артистка 150-лэсь ятыр рольёсты шудӥз.

Со огшоры актриса ӧй вал, со валтӥсь актриса вал. Со луиз УАССР-лэн дано артисткаез, РСФСР-лэн дано артисткаез но УАССР-лэн калык артискаез. Озьы ик солэн нимыз пыртэмын «Почётная книга трудовой и героической славы УАССР» книгае 1981-тӥ аре. Озьы ик со «Знак почёта» орденлэн кавалерез, УАССР-лэн кун премиезлэн лауреатэз. Ас вакытаз, 1960-тӥ аръёсы, со вал УАССР-лэн Вылӥ Кенешезлэн депутатэз. Озьыен, мер ужась но актриса вал. Со дыре ик, артистъёслэн верамзыя, со туж востэм адями вылэм
Наталия Панфилова, Удмурт йӧскалык театрысь литературая ёзэтлэн кивалтӥсез

Ватсалом, актрисалэн вордскем палъёсаз нимо-дано улосчизы сярысь тодэ ваёнэз школаысь музейын утё, Тыловылысь дышетсконниын Нина Бакишевалы сӥзем ужрадъёс ортчыло.



Наверх
Вниз