Ижкар+11 °C
18 -тӥ коньывуон 2021 Вордӥськон
18+

Пиналъёслы «Шудком» визьбурлыко шудон нырысьсэ ортчоз Алнаш ёросын

  • 638
  • 0
Алнаш / Удмуртия
Пиналъёслы «Шудком» визьбурлыко шудон нырысьсэ ортчоз Алнаш ёросын
Туспуктэм: vk.com (ШУДКОМ)

15-тӥ шуркынмонэ Алнаш черкогуртын 9-11 классын дышетскись пиналъёс понна «Шудком» визьбурлыко шудон ортчоз. Туннэ нуналлы ужрадэ пыриськыны мылкыдзэ ёросысь 10 команда вераз ни, шуиз ивортодэтъя «Удмуртия» агентстволы «Шунды» огазеяськонлэн Алнаш ёросысь ёзэтэзлэн кивалтӥсез Наталья Тарасова.

Куиньназы дышетскисьёс, нош ньылетӥез командаын кулэ луыны удмурт кылъя дышетӥсь. Туннэ 10 кузя (командаос – ред.) ни, туннэ берпуметӥ нунал куриськонъёсты кутӥськомы. Шаплыгес луизы Писей гуртысь, отысь кык команда куриськон сётӥз
Наталья Тарасова, «Шунды» огазеяськонлэн Алнаш ёросысь ёзэтэзлэн кивалтӥсез

«Шудком» визьбурлыко шудонэз ортчыны мылкыд алнашъёслэн Ижкарысь ужрадэ пыриськемзы бере кылдӥз, вераз Наталья Тарасова. Азьланяз егитъёс понна но та шудонэз ортчытыны малпало.

«Шудком» — «Что? Где? Когда?» но «60 секунд» выллем шудон. Удмуртиын ӵектос 2016-тӥ арын кутскиз. Ижкарын радъяськись пумиськонъёсы али 20-лэсь ятыр командаос пырисько ни.

Ватсалом, «Шудком» шудонъёс Пичи Пурга, Кияса, но Балезино ёросъёсын ортчыло ни. Озьы ик 22-тӥ шуркынмонэ Можга ёросысь егитъёсты визьзэс сынаны ӧтё.

Тодэ вайытом, «Шудком» удмурт визьбур клублэсь валтӥсь кузьымзэ бӧрсьысь кык ар «Валамон-Паримон» команда утӥз.



Наверх
Вниз