Ижкар+17 °C
19 пӧсьтолэзь 2019 Удмуртарня
16+

«Шунды» огазеяськонлы тӧрое матысь кык аръёслы Алина Чернова кылиз

  • 560
  • 0
Ижкар / Удмуртия
«Шунды» огазеяськонлы тӧрое матысь кык аръёслы Алина Чернова кылиз
Туспуктэм: Наталья Тетерина

Матысь кык аръёсы удмурт егитъёслэн «Шунды» огазеяськонэнызы кивалтыны Алина Чернова кылиз. Туннэ, 23-тӥ шуркынмонэ, огазеяськонлэн йылпумъян-быръён конференцияз вань люкаськем делегатъёс со понна куаразэс сётӥзы. Ижкарысь Калыкъёслэн эшъяськон юртазы ортчем ужрадэ Удмуртилэн ёросъёсысьтыз но каръёсысьтыз ёзэтъёслэн 40 ыстэм муртъёссы пыриськизы.

Кызьы вераз ивортодэтъя «Удмуртия» агентстволэн корреспондентэзлы Алина Чернова, вуоно кык ар ӵоже «Шунды» огазеяськон ужась проектъёсты азьланьтоз но выль ӧръёсъя ужалоз, соос пӧлын егит семьяосын но ужась егитъёсын кусыпъёсты юнматон.

Конференциын сыӵе дэмлан вал – егит семьяосын ужаны. Сыӵе пуктэтэз кутӥмы резолюцие, со бордын ужалом. Ужась егитъёсты но тросгес кыскыны, выль адямиосты, ёросъёсты золгес, адскымон ужатыны. Выль правлениен, малпасько, ужалом капчиен
Алина Чернова, «Шунды» огазеяськонлэн тӧроез

Озьы ик кивалтӥсь огазеяськонлэн ортчем кык аръёс ӵоже ужамезлы йылпумъянъёс лэсьтӥз. Алина Чернова верамъя, «Шундылэн» азьвыл ӵектосъёсыз азьланьтӥсько но паськытало: лагерь сменаос радъясько но выльдӥсько, «Шундысиос» движение азинске, «Шудком» визьбурлыко шудонэ пыриськыны мылкыд карисьёс йыло, ужрадэз ёросъёсын но ортчытъяло ни. Со сяна, интыосын выль ёзэтъёс усьтӥськизы, тросгес егитъёс огазеяськонлэн ужаз кыстӥсько. Нош тужгес пусйымонэз вормон – со азьмуртлэсь грантсэ утон, шуиз огазеяськонлэн тӧроез.

Тужгес бадӟым вормон – со вал азьмуртлэсь грантсэ утон. «Шунды» сыӵе бадӟым конкурсэ пыриськиз. Со милям пичи огазеяськонмылы бадӟым вормон. «Шудком: дышетскиськом шудыса» проект али милям йылпумъяське ни. Али милям вань ӝӧквыл шудонъёсмы пичи пиналъёс понна, мультфильмъёс но Андроид приложение лэсьтон йылпумъяське
Алина Чернова, «Шунды» огазеяськонлэн тӧроез

Ватсалом, «Шундылэн» конференцияз тӧроез сяна, огазеяськонлэсь правленизэ бырйизы. Озьы ик ужзылы йылпумъянъёс лэсьтӥзы Можга но Кизнер ёросысь ёзэтъёслэн кивалтӥсьёссы.

Туннэ ивор сётӥзы Можга но Кизнер ёросъёс. Туж тунсыко вал соослэн отчётъёссы, малы ке шуоно котькудӥз ужа пӧртэм сямен: кин ке егитъёсын, кин ке тросгес школьникъёсын. Но со ужзы адскымон, котькытын возьматске, туж усто, данъяськымон
Алина Чернова, «Шунды» огазеяськонлэн тӧроез

Тодэ вайытом, «Шунды» огазеяськонлы тӧрое Алина Черноваез нырысетӥзэ 2016-тӥ арын куартолэзе бырйизы

Наши партнеры

Наверх
Вниз