Ижкар-7 °C
12 толсур 2018 Вирнунал
16+

Анай-атайтэк кылем нылпиослы улон инты сётон понна Удмуртиын 4,4 миллиард манет кулэ

  • 160
  • 0
Ижкар / Удмуртиын
Анай-атайтэк кылем нылпиослы улон инты сётон понна Удмуртиын 4,4 миллиард манет кулэ
Туспуктэм: Григорий Фомин

Удмуртиысь анай-атайтэк кылем нылпиослы улон инты басьтон понна 4 миллиард 400 миллион манет кулэ. Туннэ нуналлы та ужпумъёслы бюджет сомында коньдон висъяны уг быгаты. Со сярысь 6-тӥ толсуре пресс-конференциын Кун Кенешысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн тӧроез Татьяна Ишматова ивортӥз.

Депутат верамъя, али со коньдон элькунэ вуысал ке но, сое улон инты басьтонлы кутыны ӧй луысал, малы ке шуоно со понна улон интыя фонд кылдытоно. Катъёсын со пумысен чурыт куронъёс вань, кылсярысь, одӥг юртын сиротаослы висъям патеръёслэн лыдзыя. Ишматова малпамъя, анай-атайтэк кылем нылпиослы нимаз юрт пуктыны шонер ӧвӧл, малы ке шуоно со аспӧртэм резервацилы пӧрмоз. 

Валамон, татын бадӟым уж пуктӥськисьёсын луыны кулэ со куронъёсъя, кудъёсыз тупасалзы кунлы но, кудӥз коньдон висъя, застройщикъёслы но, кудъёсыз собере тупась квадратураез дунтэм дунын ӵектыны быгатысалзы
Татьяна Ишматова, Кун Кенешысь ялан ужась ӧрилэн кивалтӥсез

Солэн кылъёсызъя, анай-атайтэк кылем пиналъёслы улон инты сётон бордын Кун Кенеш прокуратураен но Дышетонъя но тодосъя министерствоен валче ужа. Прокуратурае патер дырыз дыръя висъямтэ пумысен трос ӝожтӥськонъёс вуо бере, эрикрадэз утисьёс сиротаослы улон инты сётытозь сое медъяны коньдон висъяны ӵекто. Чакланъёсъя, компенсацилы ог 300 миллион манет кулэ.

Отын туж трос юанъёс, лыдпусъёс шоро-куспоесь. Кытын гарантия, чаклам 9 сюрс тыр котькуд кулэяськись пинал улон инты медъяны быгатоз шуыса? <…> Мон та коньдонэз улон инты басьтонэ кутон понна, черодэз пичиятыны
Татьяна Ишматова, Кун Кенешысь ялан ужась ӧрилэн кивалтӥсез

Озьы ик депутат пусйиз, Дышетонъя министерство азе федерал центрен юнгес ужаны куронъёс пукто шуыса.

2019-тӥ арын чакламын коньдон, но асьмеос Дышетонъя министерство азе эшшо курон пуктӥськом на тросгес ужаны федерал центрен, эшшо тросгес коньдон вайыны отысь, малы ке шуоно туннэ нуналлы 120 миллионлэсь тросгес лыктэ федерал бюджетысь коньдон но ог 30 миллион лыктэ асьме элькун бюджетысь
Татьяна Ишматова, Кун Кенешысь ялан ужась ӧрилэн кивалтӥсез

Ватсалом, 2018-тӥ арын анай-атайтэк кылем нылпиослы Ижкарын 39 патеръёс сётэмын, Глазкарын – 20, Вотка карын – 10. Со сяна, улон интыос басьтӥзы Уваысь 9 адями, Балезиноысь 8 адями, Якшур-Бӧдьяысь 4 мурт но быдэн кыкен Кизнерын но Шарканын.

Тодэ вайытом, озьы ик ар кутсконын элькунын кутӥзы кат, кудӥзъя 18 арес тырмем сиротаос будэм интернатъёсазы интыяськыны быгато

Наши партнеры

Наверх
Вниз