Ижкар-7 °C
12 толсур 2018 Вирнунал
16+

Михаил Калашниковлы 100 ар тырмонэз пусъёнъя кенешон ортчиз Москваын

  • 129
  • 0
Москва / Россиын
Михаил Калашниковлы 100 ар тырмонэз пусъёнъя кенешон ортчиз Москваын
Туспуктэм: Россиысь промышленностья но вузкаронъя министерстволэн пресс-службаез

6-тӥ толсуре Россиысь промышленностья но вузкаронъя министерствоын дано конструкторлэн Михаил Калашниковлэн вордскем дырысеныз 100 ар тырмонэз пусъёнлы дасяськонъя кенешон ортчиз, ивортэ Удмуртиысь тӧролэн но кивалтэтлэн пресс-службазы.

Удысэтлэн кивалтӥсез Денис Мантуров кивалтэм улсын кенешонэ Удмуртилэн тӧроез Александр Бречалов, Алтай шаерлэн губернаторез Виктор Томенко, тӧрлыклэн федерал ёзэсъёсысьтыз, Россиысь ожгар промышленностья ӧриысь, «Ростех» кун корпорациысь ӧнерчиос но мер огазеяськонлэн ыстэм муртъёсыз пыриськизы.

Александр Бречалов вераз, кыӵе ӵектонъёс дасямын асьме улосвылын. Тодэ вайытом, элькунысь радъясь комитетлэн кенешонэз Ижкарын 23-тӥ шуркынмонэ ортчиз.

Ужрадъёслэн валтӥсь ужпумзы – конструкторлэн 100 ар тырмонэзлы тросгес саклы кыскон но Михаил Тимофеевич Калашниковен тросгес адямиосты тодматон.

Улосвыллэн тӧроез верамъя, Удмуртия но быдэс Россия понна пусйымон ужрадэ тросгес адямиосты кыскыны кулэ. 

Наши партнеры

Наверх
Вниз