Ижкар+11 °C
18 -тӥ коньывуон 2021 Вордӥськон
18+

Эрик Батуев нимо премилэн лауреатъёсыз тодмо луизы Удмуртиын

  • 646
  • 0
Ижкар / Удмуртия
Эрик Батуев нимо премилэн лауреатъёсыз тодмо луизы Удмуртиын
Туспуктэм: Оксана Мымрина

Удмуртиын Журналистикая Эрик Батуев нимо йӧскалык премилэн 2018-тӥ ар понна лауреатъёсыз тодмо луизы. Удмуртлыкъя материалъёсты гожъям понна данъетэн куинь адямиез пусъёзы, вераз ивортодэтъя «Удмуртия» агентстволы элькунлэн Кун Кенешысьтыз депутат, «Удмурт Кенеш» огазеяськонлэн тӧроез Татьяна Ишматова.

Солэн кылъёсызъя, таяз арын куриськонъёс сизьым журналистъёслэсь вуизы, соос пӧлын гурт ёросъёсын ужасьёслэсь но. Лауреатъёслэсь нимъёссэс 26-тӥ толсуре «Удмурт Кенешлэн» исполкомез юнматӥз.

(Конкурс - ред.) ӧри одӥг кылэ вуиз, толон исполкомын но юнматӥм ни ми. Таяз учыре 7 кандидатура сётэмын вал, но ми быръён лэсьтӥм куинь кандидатура понна. Пӧртэм удысъёсъя со луиз
Татьяна Ишматова, «Удмурт Кенеш» огазеяськонлэн тӧроез

Эрик Батуев нимо премилэн 2018-тӥ ар понна лауреатъёсыз:

  • Майя Бывальцева, ивортодэтъя «Удмуртия» агентстволэн редакторез;
  • Надежда Максимова, Шаркан ёросысь «Вестник» газетысь журналист;
  • Валерий Сидоров, «Удмуртия» кун телерадиокомпаниысь тележурналист.

Ватсалом, йӧскалык данъетэн сӥё-дано пусъён толшоре ортчоз. 

Тодэ вайытом, «Удмурт Кенеш» огазеяськонлэн кичӧлтэмезъя, Эрик Батуев нимо йӧскалык премия удмурт лулчеберет, история, удмуртъёслэн ужрадъёссы сярысь ивортӥсь журналистъёслы 2011-тӥ арысен сётӥське. 2017-тӥ ар понна данъетэз озьы ик куинь мурт басьтӥз.



Наверх
Вниз