Ижкар-2 °C
16 тулыспал 2019 Кӧснунал
16+

«Бадӟым удмурт диктант» ужрад Удмуртиын 30-тӥ южтолэзе ортчоз

  • 439
  • 0
Ижкар / Удмуртиын
«Бадӟым удмурт диктант» ужрад Удмуртиын 30-тӥ южтолэзе ортчоз
Туспуктэм: Григорий Фомин

Удмурт кылын шонер гожъяськыны быгатэмез эскеронъя «Бадӟым удмурт диктант» ужрад 2019-тӥ арын 30-тӥ южтолэзе 13 часын ортчоз. Со сярысь ивортодэтъя «Удмуртия» агентстволы Удмуртиысь йӧскалык политикая министерствоысь валтӥсь ӧнерчи Елизавта Ложкина вераз.

Озьы ик улосвылкуспо шуыса ми сое малпаськомы радъяны. Удмурт Элькунын но, палэнын но радъямын луозы площадкаос. Озьы ик радиодиктант гожтӥськоз, кылем арын сямен ик
Елизавета Ложкина, Удмуртиысь йӧскалык политикая министерствоысь валтӥсь ӧнерчи

2019-тӥ ар Россиын Театрлэн ареныз ялэмын бере, диктантлэн текстэз театрен герӟаськемын луоз.

«Автор вылэ дугдэмын ӧвӧл ай. Малпасько, февраль кутсконын со тодмо луоз», - вераз Елизавета Ложкина.

Диктантэз гожтыны валтӥсез площадка Удмурт йӧскалык театрын луоз. Ужрадэ пыриськисьёс понна экскурсия но радъяны малпало.

Елизавета Ложкина озьы ик пусйиз, Ижкарысь площадкаосын текстэз Йӧскалык театрысь театрысь валтӥсь артистъёс лыдӟозы шуыса.

Ватсалом, ӟуч кылын шонер гожъяськыны быгатэмез эскерон ужрад 13-тӥ оштолэзе ортчоз.

Тодэ вайытом, «Бадӟым удмурт диктант» туэ тямысэтӥез луоз ни. 2018-тӥ арын нимысьтыз радъям интыосы 2 сюрслэсь трос адями лыктӥз, 500-лэсь ятыр адями диктантэз радио пыр кылзыса гожтӥз. 85 мурт 100 балл люказ. Кузебай Гердлы сӥзем текстэз кылосбур тодосъя кандидат Александр Шкляев гожтӥз. 

2019-тӥ арын диктантэз радъяло – «Мынам Удмуртие» кун телерадиокомпания, Удмурт кун университетысь Удмурт кылосбуръя, финно-угороведениея но журналистикая институт Удмуртиысь Йӧскалык политикая министерство, «Удмурт Кенеш» огазеяськон, Удмуртиысь Йӧскалык театр.

Наши партнеры

Наверх
Вниз