Ижкар+22 °C
11 -тӥ пӧсьтолэзь 2020 Кӧснунал
16+

Калык пужыосъя кылдытӥзы Удмуртилэн кунлыкезлы 100 ар тырмонэз пусъёнлэсь логотипсэ

  • 412
  • 0
Ижкар / Удмуртия
Калык пужыосъя кылдытӥзы Удмуртилэн кунлыкезлы 100 ар тырмонэз пусъёнлэсь логотипсэ
Туспуктэм: Руслан Нуриахметов

Удмуртилэн кунлыкезлы 100 ар тырмонэз пусъёнлэсь логотипсэ удмурт йӧскалык пужыос вылын кылдытӥзы. Котырес лыдпуслэн стилез бордын элькунысь Дизайнъя центрысь ӧнерчиос тыршизы. 24-тӥ толшоре Ижысь кар ӵектосъёсъя «ЛИФТ» штабын соос ужъемышъёсынызы тодматӥзы.

Кызьы вераз Дизайнъя центрлэн кивалтӥсез Андрей Зубрилов, та тема бордын Удмуртилэн шоркарысьтыз 20 дизайнеръёс ужазы. Йӧскалык пужыосты, удмурт дӥсез но мукет калык аспӧртэмлыкъёсты эскерыса, соос кӧня ке пӧртэм ӵектосъёс лэсьтӥзы. Соос пӧлысь тужгес тупасьсэ бырйыса, ӧнерчиос со ӧрез азинтӥзы.

Таӵе логотип милям пӧрмиз. Солэн пуштросэз куинь вакытъёсты огазея: ортчемзэ, туалазэ но вуонозэ. Ортчемаз ми стилизовать карим сыӵе тотемной валатонъёсты. Асьмелэн промышленной туалаез – питран но навигацилы укшась кыӵе ке элементъёс. Вуоноез - цифоровой, роботизированной
Андрей Зубрилов, Удмуртиысь дизайнъя центрлэн кивалтӥсез

Солэн кылъёсызъя, юбилейлэн пусаз яркыт буёлъёс но тунсыко формаос кутэмын, соин ик со туала вакытлы тупа но егитъёсты кыске. Аспӧртэмлыко но со дыре ик капчи стиль тодмамон но валамон луэ. 

Безымянный.png
Удмуртилэн кунлыкезлы 100 ар тырмонэзлэн пусэз Фото: Ивортодэтъя «Удмуртия» агентство ©

Центрысь ӧнерчиос озьы ик удмурт пусъёсъя кылдытэм брошюраосты, плакатъёсты, флэшкаосты возьматӥзы. 

Со сяна, элькунлэн кунлыкезлы даур тырмонэз пусъёнлы дизайнеръёс Удмуртиез эскерисьлэсь паспортсэ кылдытыны ӵекто.

Кулэ Удмуртиез эскерисьлэсь паспортсэ кылдытыны, куке адями элькунлэн пӧртэм интыосаз вуылыкуз, котькудаз штам пуктэ. Ар ӵоже люка интыос, кытын со вал
Андрей Зубрилов, Удмуртиысь дизайнъя центрлэн кивалтӥсез

Тодэ вайытом, Удмуртилэн кунлыкезлы 100 ар тырмонэз 2020-тӥ арын пусъёзы. Та темая вань иворъёсты татысь лыдӟыны быгатӥськоды. 



Наверх
Вниз