Ижкар+20 °C
24 гудырикошкон 2019 Кӧснунал
16+

Удмурт кылъя курсъёсты нуыны дышетӥсь утчало Сарапулын

  • 232
  • 0
Сарапул / Удмуртия
Удмурт кылъя курсъёсты нуыны дышетӥсь утчало Сарапулын
Туспуктэм: Руслан Нурахметов

Сарапулын удмурт кылъя дунтэк курсъёсты нуыны дышетӥсез утчало. Со сярысь ивортодэтъя «Удмуртия» агентстволы «Удмурт Кенеш» огазеяськонлэн Сарапул ёросысь ёзэтэзлэн кивалтӥсез Раиса Трофимова вераз.

Солэн кылъёсызъя, та дырозь удмурт кылъя курсъёсты Эм колледжысь дышетӥсь Светлана Толмачёва мыло-кыдо нуиз, но, жаляса верано, туэ занятиосты радъяны солэн дырыз ӧвӧл.

Утчасько мон дышетӥсь. Тани Шевыряловоысь дышетӥсьёсын вераськисько. Одӥгез пенсиын ни, но уг быгаты шуиз. Собере телефонзэ сёто шуиз эшезлэсь, соин вераськыны кулэ на. Уг тодӥськы. Али ӧй быгаты ни ке, куарусёнлы гинэ утчало ни, дыр
Раиса Трофимова, «Удмурт Кенешлэн» Сарапул ёросысь ёзэтэзлэн тӧроез

Дышетӥсь сюриз ке, дышетскыны мылкыд карисьёс луозы, оске Раиса Трофимова. Со верамъя, Сарапулысь сяна, ортчем курсъёсы Сигаевоысь но дышетскисьёс ветлӥзы. 2018-тӥ арын радъям дышетсконэз ваньмыз 15 адями йылпумъяз, соос пӧлын ӟучомем удмуртъёс но, ӟучъёс но вань. Котькудӥзлэн удмурт кылэз дышетыны пӧртэм мугез.

Котькыӵеез вань. Тани Руслан, студент, атаез удмурт выжыысь шуиз. Мукетъёсызлэн удмурт ӵыжы-выжыоссы вань. Ӟучъёс но дышетско. Пенсионеръёс дышетско ке, соослэн (удмурт кылэз – ред.) огшоры тодэмзы потэ, Удмуртиын уло ук
Раиса Трофимова, «Удмурт Кенешлэн» Сарапул ёросысь ёзэтэзлэн тӧроез

Ватсалом, кылем арын удмурт кылъя дунтэк курсъёс Сарапулын куинетӥзэ ортчизы. Дышетсконэз йылпумъясьёс пӧлын вань сыӵеосыз но, кин карысь удмурт кырӟанъя «Вуюись» коллективе итӥськиз, пусъе Раиса Трофимова.

Тодэ вайытом, туэ удмурт кылъя курсъёс Удмуртиын 1-тӥ тулыспалысен кутскозы.

Наши партнеры

Наверх
Вниз