Ижкар-1 °C
20 оштолэзь 2019 Кӧснунал
16+

«Брангуртысь песянайёс»: милям вань ниммы, кудӥз приют пуктонын юрттыны быгатэ

  • 209
  • 0
Брангурт / Удмуртия
«Брангуртысь песянайёс»: милям вань ниммы, кудӥз приют пуктонын юрттыны быгатэ
Туспуктэм: Григорий Фомин

«Брангуртысь песянайёс» черкогуртазы огназы кылем пересьёслы приют пуктыны кутскизы. Кык этажъем юртлэсь проектсэ кылдытӥзы но кылем сӥзьыл фундамент кисьтӥзы. Кызьы вераз ивортодэтъя «Удмуртия» агентстволы тодмо коллективлэн кивалтӥсез Ольга Туктарева, арлыдоослы юрт пуктыны черклэн тӧроез Зоя Петрунина малпаз.

Ольга Туктарева верамъя, «Брангуртысь песянайёс» кема аръёс ӵоже ни Екатеринбургысь Фаина Ибрагимоваен эшъясько. Ӵапак со кӧня ке ар талэсь азьвыл Брангуртын черк пуктыны мылкыд сётӥз.

Фаина Искандеровналэн бадӟым арлыдыз ни, воксё огназ улэ. Ми малпам сое татчы вайыны но черкысь комнатае интыяны. Соку милям старостамы Зоя Петрунина черк вӧзы огназы кылем пересьёслы приют пуктыны ӵектӥз. Ми дурбасьтӥм, малы ке шуоно милям вань ниммы, кудӥз пуктӥськонын юрттыны быгатоз
Ольга Туктарева, «Брангуртысь песянайёс» коллективлэн кивалтӥсез

Фаина Ибрагимова Брангуртын толэзь улэ ни, черкогуртын улӥсьёсын эшъяськиз, черке вӧсяськонъёсы ветлэ.

Ольга Туктарева пусйиз, приютэз пуктон кутскиз гинэ ке но, отын улыны мылкыд карись адямиос вань ни.

Милям черкогуртамы вань огназы кылем муртъёс, палэнысь но курисько ни. Кылсярысь, Вотка карысь песянайлэн потэ лыктэмез
Ольга Туктарева, «Брангуртысь песянайёс» коллективлэн кивалтӥсез

Приютэз пуктонлы 940 сюрс манет кулэ.

Валамон, бадӟым коньдонмы ӧвӧл. Адямиос калленэн юрттозы. Черкен озьы ик вал. Кемалась ӧвӧл ми доры Константин баӵкоез выжтӥзы. Табере ганякгес луиз, вань кузё – воргорон. Со вань радъян ужез ас вылаз басьтӥз
Ольга Туктарева, «Брангуртысь песянайёс» коллективлэн кивалтӥсез

Тодэ вайытом, «Брангуртысь песянайёс» ансамбльлэн коньдонэныз пуктэм черкез 2016-тӥ арын инвожое вӧсязы.

Наши партнеры

Наверх
Вниз