Ижкар+13 °C
18 куарусён 2019 Вирнунал
16+

Пиналъёслы сюрес вылын кышкыттэмлыкъя мультфильмъёс возьматӥзы но кенешонъёс ортчытӥзы Ижкарысь автоинспекторъёс

  • 196
  • 0
Ижкар / Удмуртия
Пиналъёслы сюрес вылын кышкыттэмлыкъя мультфильмъёс возьматӥзы но кенешонъёс ортчытӥзы Ижкарысь автоинспекторъёс
Туспуктэм: Удмуртиысь Кунпуш ужъёсъя министерствоысь ГИБДД-лэн управлениысьтыз 1-тӥ ёзэтэз

Ижкарысь кун автоинспекторъёс Удмуртилэн шоркарысьтыз школаосын нырысетӥ классын дышетскись пиналъёсты сюрес вылтӥ мынон-ветлон куронъёсъя мультфильмъёс возьматӥзы но отысь учыръёсты сэрттӥзы-пертчизы. Со сярысь элькунъя Кунпуш ужъёсъя министерствоысь ГИБДД-лэн управлениысьтыз 1-тӥ ёзэтэз ивортэ.

Пиналъёс сюрес вылын шудтэм учыре шедён учыръёсты алон, Сюрес вылтӥ мынон-ветлон куронъёсты быдэ вуымтэос пӧлын вӧлмытон вылысь Ижкарысь автоинспекторъёс нырысетӥ классын дышетскисьёс пӧлын «Пиналъёс. Кышкыттэмлык. Тол» темая вераськонъёс ялан ортчытъяло.

Валтӥсез ужпум – тол вакытэ сюрес вылын астэ возён куронъёсты юнматон, светофорлэсь но сюрес пусъёслэсь мар возьматэмзэс валэктон, тылэз берыктӥсь арбериосты кутонлэсь кулэлыксэ валэктон.

Та выллем ужрадъёс быдэс дышетскон ар ӵоже ортчытъялозы, угось соос пиналъёслы кышкыттэмлыкъя тодонлыкъёсты тунсыко амалэн валэктыны луонлык сёто. 

Наши партнеры

Наверх
Вниз