Ижкар-1 °C
20 оштолэзь 2019 Кӧснунал
16+

«Тӧдьы фестиваль» ортчоз Ижкарын 16-тӥ тулыспалэ

  • 335
  • 0
Ижкар / Удмуртия
«Тӧдьы фестиваль» ортчоз Ижкарын 16-тӥ тулыспалэ
Туспуктэм: Ижкар администрацилэн пресс-службаез

16-тӥ тулыспалэ Ижкарысь Космонавтъёслэн парказы лымы кабъёсъя «Тӧдьы фестиваль» XII усьтэм вожвылъяськон ортчоз. Туэ ужрад М. Т. Калашников вордскем дырысен 100 ар тырмонлы сӥземын луоз, ивортэ Удмуртилэн шоркарезлэн пресс-службаез.

Фестивальлэн темаез – элькунлэн данбурез (достояниез). Пыриськисьёс лымылэсь лэсьтыны быгато ваньзэ, мар герӟаськемын «Калашников» концернэн: ыбылӥськон тӥрлык, катеръёс, лобась аппаратъёс но вуоно вакытысь арбериосты.

«Тӧдьы фестиваль» карын улӥсьёслэсь тол вакытэ шутэтскон луонлыкъёссэс паськытатон, лымы скульптураос лэсьтон пыр творчествоя быгатонлыкъёссэс азинтон, Удмуртилэсь данбурзэ утён, вордскем шаерлэн историеныз тунсыкъяськон мылкыд пыӵатон вылысь радъяське.

Куриськонъёсты 12-тӥ тулыспалозь келяно. Вожвылъяськонлэн валатэтэныз (положениеныз) татын тодматскыны луэ.

Фестивальлэн валтӥсь кузьымез – 5 муртлы туризм путёвка.

Озьы ик вожвылъяськон улсын лымы волейболъя ӵошатскон ортчоз. Таяз ужрадэ куриськонъёсты 14-тӥ тулыспалозь возьмало. 

Чаклам арлыд: 16+

Наши партнеры

Наверх
Вниз