Ижкар-24 °C
6 -тӥ толсур 2021 Вордӥськон
18+

«Ӟечбур!» газет но Богдан Анфиногенов пиналъёс понна вожвылъяськон ялӥзы Удмуртиын

  • 677
  • 0
Ижкар / Удмуртия
«Ӟечбур!» газет но Богдан Анфиногенов пиналъёс понна вожвылъяськон ялӥзы Удмуртиын
Туспуктэм: Наталья Тетерина

Удмурт пиналъёслэн но егитъёслэн «Ӟечбур!» газетсы но кылбурчи Богдан Анфиногенов «Туала вакытысь йӧндырисьёс» конкурс ялӥзы. Со компьютер программаосын вырыны яратӥсь, туала технологиосын тунсыкъяськись пиналъёслы чакламын. Со сярысь газетлэн «Вконтакте» огинысь бамаз ивортэмын.

Вожвылъяськон куинь пӧртэм ӧръёсъя ортчоз:

«Удмурт куараё аниме». Аниме амалэн лэсьтэм мультфильмлы (яке люкетэзлы) компьютер (яке android) программаын удмурт кылын куара гожтоно. 

«Вашкала косплей». Семьялэн туспуктэмъёсын архивысьтыз песянай-песятайёслэсь, анай-атайлэсь пичи дырысьтызы туспуктэмзылы копия лэсьтоно. Выль туспуктэмын интыез но, дӥсьёс но вашкалаезлы укшаны кулэ.Кызьы верамын ивортонын, тужгес вылӥ дунъялозы 40-50 аръёс талэсь азьло лэсьтэм туспуктэмъёслы копиосты. 

«Лол, кеч, перепеч». Егитъёс пӧлын вӧлмем сленгез, вераськон сямез кутыса, верос яке кылбур гожтоно. Кылсярысь, «эщкере, читер, мемас, панч, хайп, тян» но мукет кылъёслуыны быгатозы. 

Ужъёсты 30-тӥ оштолэзёзь zechbur@mail.ru электрон почтае яке «Ӟечбурлэн» «ВКонтакте» вотэсысь группаяз келяно.

Вожвылъяськонэз радъясьёслэн верамзыя, вормисьёсты быръёнын валтӥсь куараез луоз Богдан Анфиногеновлэн.



Наверх
Вниз