Ижкар-9 °C
15 -тӥ толсур 2019 Воскресенье
16+

Кык удмуртъёс Москваысь улосвыл бӧлякъёслэн координаци кенешысьтызы Егитъёслэн ӧрияз пыризы

  • 410
  • 0
Москва / Россия
Кык удмуртъёс Москваысь улосвыл бӧлякъёслэн координаци кенешысьтызы Егитъёслэн ӧрияз пыризы
Туспуктэм: vk.com (Мускоысь удмуртъёс/Удмурты в Москве)

Мосваысь удмуртъёслэн бӧлякысьтызы Олеся Полатова но Евгений Веретенников Россилэн шоркарезлэн кивалтэтэз бордын ужась Улосвыл бӧлякъёслэн координаци кенешысьтызы Егитъёслэн ӧрияз пыризы. Со сярысь «ВКонтатке» мерлыко вотэсысь «Мускоысь удмуртъёс» огинын ивортэмын.

Кызьы ивортэмын Москвалэн мэрезлэн нимлыко сайтаз, 25-тӥ южтолэзе Улосвыл бӧлякъёслэн координаци кенешсылэн Егитъёслэн ӧризылэн йылпумъян-быръён конференциез ортчиз. Ӧриын кӧня ке ӧръёсъя комитетъёс кылдытэмын: лулчеберет, ужбергатон, калыкен кусыпъёс возён, спорт, туризм, дышетон, йӧскалык ужпумъёс, тазалыкез утён.

Кызьы вераз ивортодэтъя «Удмуртия» агентстволы Олеся Полатова, егитъёс огдыре кӧня ке комитетъёсын ужаны быгато.

Пӧртэм ӧръёсъя кӧня ке ӵектосъёсты нуыны луэ. Мон йӧскалык ужпумъёсъя комитетын ужаны кутскисько
Олеся Полатова, Москваысь улосвыл бӧлякъёслэн координаци кенешысьтызы Егитъёслэн ӧризылэн ёзчиез

Солэн кылъёсызъя, али нырысетӥ ӵектоссэс дасяны кутскизы, мар со луоз, матысь дыре рос-просгес вераны оскытӥз.

Москваысь улосвыл бӧлякъёслэн координаци кенешсылэн Егитъёслэн ӧризы 2019-тӥ арын кӧня ке ӵектосъёсты быдэстыны чаклаз. Со пӧлын студентъёс пӧлын кейс-чемпионат, кылосбуръя «Россия – земля моя!» вожвылъяськон, «Мон Москваын» акция но мукет. Со сяна, ӧрилэн ёзчиосыз огъяросси акциосы пырисько, кылсярысь, «Быронтэм полк», «Тотальной диктант», «Этнографияя бадӟым диктант» (кылдытэмын Удмуртиын – ред.) но мукетыз. 

Тодэ вайытом, южтолэзь кутсконын Москваысь удмуртъёслэн бӧляксы ас калыкезлэн тулыс йылолъёсызлы сӥзем ӝыт ортчытӥз

Наши партнеры

Наверх
Вниз