Ижкар-1 °C
27 -тӥ шуркынмон 2021 Кӧснунал
18+

Карлэсь нуналзэ Ижын куинь нунал пусъёзы

  • 1542
  • 0
Ижкар / Удмуртия
Карлэсь нуналзэ Ижын куинь нунал пусъёзы
Туспуктэм: Григорий Фомин

2019-тӥ арын Карлэсь нуналзэ Ижын куинь нунал пусъёзы. Со сярысь Удмуртилэн шоркарезлэн пресс-службаез ивортэ.

Таяз арын Ижкарын улӥсьёсты куинь нуналъем бадӟым фестиваль возьма: 10-тӥ инвожое - Азбарлэн нуналэз, 11-тӥ инвожое – Ёрослэн нуналэз, 12-тӥ инвожое – Карлэн нуналэз.

Карлэсь нуналзэ ортчытон пумысен ӵектонъёссэс Ижын улӥсьёс но вераны быгато. 15-тӥ оштолэзёзь соосты 259.izh.ru сайтэ сётыны луэ. Радъясь комитет вань дэмланъёсты эскероз но толэзь пумозь нырысь-валысь радлыкез кылдытоз.

Озьы ик Карлэн нуналаз одӥгаз площадкаын возьматӥськыны мылкыд карись творчествоя коллективъёслэсь, нимаз быдэстӥсьёслэсь куриськонъёссэс возьмало.

2-тӥ оштолэзе Кар ӵектосъёсъя «Лифт» штабын усьтэм оргкомитет ортчиз. Отын чузъяськем ӵектонъёс пӧлын:

- Ижкарысь пусйымон интыостӥ фото-квест;

- трамвай маршрутъёсын истори экскурсиос;

- Ёрослэн нуналэз улсын кизилиен зарядка;

- учкисьёс пыриськемен спектакль;

- шудонъёсын фестиваль;

- Иж тыметын парус регата;

- кар бакча, кытын калык удъёсыныз дунтэк вошъяськыны быгатоз.

Ватсалом, Шор площадьын тупатъян ужъёсты нуэмен валче Карлэсь нуналзэ пусъён ужрадъёсты Иж тыметлэн ярдураз выжтыны быгатозы. 



Наверх
Вниз