Ижкар-11 °C
22 -тӥ толшор 2021 Удмуртарня
18+

Удмуртиын Быдӟым Атыкай ожын Вормонлы 74 ар тырмонэз пусъё

  • 418
  • 0
Ижкар / Удмуртия
Удмуртиын Быдӟым Атыкай ожын Вормонлы 74 ар тырмонэз пусъё
Туспуктэм: Альфия Варнавьева

9-тӥ куартолэзе Удмуртиын 1941-1945 аръёсы Быдӟым Атыкай ожын Вормонлы 74 ар тырмон нуналэз пусъё.

Ижкарын сӥё-дано ужрадъёс Вормон скверысь Ожгар но уж данлыкъя монумент дорын кутскизы. Быдӟым Атыкай ожысь но ужысь ветеранъёс, фронт мышкын ужамъёс, оже пыриськемъёслэн ӵыжы-выжыоссы Ялан ӝуась тыл доры сяськаос понӥзы.

Вормон нуналэ Ижкарысь Ялан ӝуась тыл доры сяськаос понӥзы

9 фото

Быремъёсты буре вайыны озьы ик лыктӥзы кужымо ёзэсъёсысь ӧнерчиос, ужась коллективъёслэн, атыкай музъемез гажан мылкыд пыӵатонъя огазеяськонъёслэн ыстэм муртъёссы, кадетъёс но школаын дышетскисьёс. Карын улӥсьёсын ӵош сӥё-дано ужрадэ Удмуртилэн тӧроез Александр Бречалов, элькун кивалтэтлэн тӧроез Ярослав Семёнов, улосвыл тӧролэн но кивалтэтлэн администрацизылэн кивалтӥсез Сергей Смирнов, Удмурт Элькунъя валтӥсь федерал инспектор Сергей Панов, министерствоослэн но удысэтъёслэн ыстэм муртъёссы, Ижкарлэн кивалтӥсьёсыз, элькунысь Кун Кенешлэн депутатъёсыз пыриськизы.

Минут ӵоже чус улэмен люкаськемъёс Быдӟым Атыкай ожын быремъёсты, ивортэк ышемъёсты но ваньзэсты, кинлы Вормон нуналэз адӟыны ӧз кылды, буре ваизы.

10 часын Ижкарысь Шор площадьын Вормон парад кутскиз. Шествие 1 сюрс 765 адями но 35 техника пыриськиз. Нырысьсэ ужрадэ Арктикалы лэсьтэм «Тор-М2ДТ» зенитно-ракетной комплекс потӥз. Парадэз учкыны 50 сюрс адями лыктӥз.

Парад Победы в Ижевске
Вормон парадэ 2 сюрс пала адями пыриськиз Фото: undefined © udmurt.media
День Победы в Ижевске
Ижкарын Вормон парадэз 50 сюрс адями учкиз udmurt.media

Шор площадетӥ кадетъёс, пинал армеецъёс, Кунпуш ужъёсъя министерствоын, Росгвардиын, судлэсь пуктэмъёссэ быдэсъясь управлениын ужасьёс. Парадэ пыриськисьёс Быдӟым Атыкай ож вакытысь тол но гужем дӥськутэз, ожтӥрлкез возьматӥзы.

Вормон парадэ пыриськисьёсты но карын улӥсьёсты Вормон нуналэн Удмуртилэн тӧроез Александр Бречалов ӟечкылаз.

Кӧшкемыт ньылдонэтӥ аръёс Удмуртиын улӥсь 158 сюрс адямилэсь улонзэс басьтӥзы. Фронтэ 365 мурт кошкиз. Соос Брест крепостез, Севастополез утёнэ, Москва дорысь ожмаськонъёсы, Сталинград но Курск ожъёсы пыриськизы, Днепрез потӥзы, Шундыӝжуан Европаысь каръёсты но кунъёсты мозмытӥзы
Александр Бречалов, Удмуртилэн тӧроез

Кышкатэк ожмаськемзы понна Удмуртиысь 70 сюрс адями СССР-лэн орденъёсыныз но медальёсыныз пусъемын. Элькунамы вордскем яке татысь фронтэ кошкем 100 ожгарчиос Совето Союзлэн Геройёсыз луизы.

Вормон парад Ижкарын


Вормон парад йылпумъяськем быре Шор площадетӥ «Быронтэм полк» ортчиз. Нимлыко ивортонъёсъя, Ижкарын ужрадэ 35 сюрс адями пыриськиз, оглом быдэс Удмуртиын - 83 сюрс. 

"Бессмертный полк" в Ижевске
«Быронтэм полк» ужрад Удмуртиын туэ куатетӥзэ ортчиз udmurt.media

Вормон нуналлы сӥзем ужрадъёс Ижкарын быдэс нунал ӵоже радъяськозы. 



Наверх
Вниз