100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

«Мынам песянае» вожвылъяськонлэсь лауреатъёссэ пусйизы Ижкарын

  • 216
  • 0
Ижкар / Удмуртия
«Мынам песянае» вожвылъяськонлэсь лауреатъёссэ пусйизы Ижкарын
Туспуктэм: vk.com (Агентство печати и массовых коммуникаций УР)

26-тӥ куартолэзе Ижкарын «Мынам песянае» VII элькун вожвылъяськонлэсь лауреатъёссэ пусйизы. Пӧртэм ӧръёсын вормисьёслы дипломъёс но кузьымъёс сётӥзы. Удмуртиысь циркын ортчем ужрадэ улосвыл кивалтэтлэн тӧроезлэн воштӥсез Анатолий Строков но пыриськиз.

Ӟечкыласько вань песянайёсты но песятайёсты. Туж умой, элькунын таӵе вожвылъяськон вань шуыса. Со эшшо одӥг пол возьматэ: Удмуртия - аспӧртэм улосвыл. Туннэ туж шуныт но сайкыт праздник пусйиське. <…> Вожвылъяськон сизьыметӥзэ радъяське ни. Со возьматэ, асьмелэн песянайёсмы но песятайёсмы тужгес егитэсь, сэзесь но визьлыкоесь шуыса
Анатолий Строков, Удмуртиысь кивалтэтлэн тӧроезлэн воштӥсез

Вожвылъяськонэ пыриськемъёсты озьы ик ӟечкылаз Удмуртилэн Кун Кенешысьтыз мер кышкыттэмлыкъя, регламентъя но ужез радъянъя ялан ужась ӧрилэн кивалтӥсез Елена Дербилова.

Песянайёс но песятайёс – семьяослэн пыкъетсы но инъетсы. Ӵапак соос выжыысь выжые семья йылолъёсты но опытэз сёто
Елена Дербилова. Удмуртилэн Кун Кенешысьтыз ялан ужась ӧрилэн кивалтӥсез

Песянайёслы но куноослы шулдыр мылкыд кузьмазы Удмуртиысь нылпиослэн творчествоя коллективъёссы.

«Мынам песянае» VIIэлькун вожвылъяськонын вормисьёс:

«Тужгес узырез песянай» (нунокъёсын узыр) ӧрын:

- Елизавета Коробейникова (Красной черкогурт, Ува ёрос);

- Ольга Смагина (Пазял гурт, Можга ёрос);

- Екатерина Макарова (Вавож черкогурт);

- Анфиса Красильникова (Можга кар).

«Тужгес егитэз песянай» ӧрын:

- Марина Воробьева (Можга кар);

- Марина Перевощикова (Петыргурт, Шаркан ёрос);

- Ольга Сергеева (Сарапул кар).

«Тужгес деловой песянай» ӧрын:

- Надежда Зайнакова (Шаркан черкгурт);

- Людмила Мохова (Удугуӵин черкогурт, Ува ёрос);

- Нина Первушина (Тыловай черкогурт, Дэбес ёрос).

«Ба!» ӧрын:

- Валентин но Раиса Зиновьевъёс (Карсашур гурт, Шаркан ёрос);

-Владимир но Светлана Лобановъёс (Ижкар);

- Сулейман но Мария Сагеевъёс (Ижкар).

«Песянаелэн мереткылэз: мон бырйисько спортэз но тазалыко улонэз!»:

- Нина Горшунова (Можга кар);

- Надежда Жуйкова (Выль Бия гурт, Вавож ёрос);

- Людмила Караваева (Бызара гурт, Ува ёрос).

«Песянай – йӧскалык йылолъёсты утись» ӧрын:

- Антонина Агинова (Пазял гурт, Можга ёрос);

- Голфия Исхакова (Вотка);

- Римма Смирнова (Усть-Сакла, Каракулино ёрос).

«Удмуртиысь театръёсын песянайлэсь/песятайлэсь образзэ тужгес умой возьматэм понна» ӧрын:

- Михаил Третьяков (Ижкар, «Молодой человек» татр);

- Ксения Волкова (Глазкар, «Парафраз» театр);

- Аксинья Романова (Ижкар, нылпиослэн «Надежда» инклюзив мунё театрзы).

«Мынам песятае» ӧрын:

- Леонид Караваев (Бызара гурт, Ува ёрос);

- Александр Князев (Красногорск ёрос);

- Владимир Кожев (Васильевское черкогурт, Красногорск ёрос);

- Виктор Кузнецов (Биграгурт, Яр ёрос);

- Валерий Рупасов (Выль Вожойка гурт, Якшур-Бӧдья ёрос).

«Мынам песянае» «Мынам песятае» творчествоя ужъёс ӧрын:

- Юрий но Андрей Некрасовъёс (Глаз ёрос);

- Александра Бабикова (Новый каргурт, Вотка ёрос);

- Руслан Максимов (Вотка).

2012-тӥ арын 26-тӥ куартолэзе Бакуын «Евровидение» вожвылъяськонын «Брангурт песянайёс» ансамбль кыкетӥ инты басьтэм бере Удмуртиын выль праздник юнматӥзы – табере котькуд ар 26-тӥ куартолэзе Песянайлэн нуналэз пусйиське

Песянайёслэсь элькун вожвылъяськонзэс «Известия Удмуртской Республики» газетлэн редакциез элькунысь Печатья но калыке ивортодэт вӧлмытонъя, Ужъя но мерлыко политикая министерство, Россиысь Пенси фондлэн улосвыл ёзэтэз, «Лудорвай» музей-заповедник», «Удмурт дунне» но «Янарыш» газетъёс юрттэмен ортчытэ. 



Наверх
Вниз