Ижкар+22 °C
11 -тӥ пӧсьтолэзь 2020 Кӧснунал
16+

«Удмурт гурт stand up» вожвылъяськон но фестиваль ортчытозы Пичи Пурга ёросын

  • 1463
  • 0
Пичи Пурга / Удмуртия
«Удмурт гурт stand up» вожвылъяськон но фестиваль ортчытозы Пичи Пурга ёросын
Туспуктэм: Григорий Фомин

Пичи Пурга ёросын «Удмурт гурт stand up» вожвылъяськон но фестиваль ортчытыны дасясько. Ӵектос Удмуртиысь йӧскалык политикая министерстволэн субсидиосты люкылонъя конкурсаз вормисьёс пӧлы шедиз. Со сярысь ивортодэтъя «Удмуртия» агентстволэн корреспондентэзлы ӵектослэн огез гожтӥсез, ёрос лыдӟетъюртысь библиограф Анна Павлова вераз.

«Удмурт гурт stand up» ӵектосэз 2020-тӥ арын арын куарусёнысен толсурозь улонэ пыӵатон понна 82 сюрс 800 манет висъямын луоз.

Пӧртэм жанръёсъя пыриськыны мед быгатозы. Кырӟаса, эктыса гинэ ӧвӧл. Тани ёросысь лулчеберетъя юртын «Чеберина» вожвылъяськон, поэтической батлъёс библиотекаын ортчыто. Пӧртэм формаосты куто творчествоя вань удысъёсты кутон понна. Одӥгез тани «Удмурт гурт stand up»
Анна Павлова, ӵектослэн огез гожтӥсез

Вожвылъяськонэ 16-35 аресъем егитъёс пыриськыны быгатозы. Со куинь люкетэн ортчоз. Нырысь ик пыриськыны куриськемъёс пӧлын конкурс луоз, соос пӧлысь дас тужгес устооссэ быръёзы. Соос куспын баттл ортчытозы. Нош бӧрысь ёросысь лулчеберетъя юртын фестиваль радъялозы.

Ӵектосэз улонэ пыӵатэм бере тужгес усто ужъёсын альманах поттозы. Сое ёросысь лыдӟетъюртъёсы вӧлмытозы. 

Радъясьёс оско, ӵектос удмурт кылэз пиналъёс пӧлын утьыны одӥгез амал луыны быгатоз. «Удмурт гурт stand up» егитъёслы удмурт лулчеберетэз кырӟан-эктон пыр сяна, мукет амалъёсын но возьматыны луонлык кылдытон понна малпамын.

Шуг-секыт пиналъёслэн удмурт кылэз дышетыны мылкыдзы ӧвӧлэн кылдэ. Со анай кылэз дышетонъя катрадлыке воштӥськонъёс пыртэм бере туж зол шӧдӥськиз. Кылсярысь, Пичи Пургаысь гимназиысь 60 процентэз пиналъёс удмурт кылэз дышетонлэсь куштӥськизы. Нош ёросъя кык школаын воксё удмурт кылэз уг дышето ини. <…> Мугез – удмурт кыл нокытын уг кутӥськы (ужын но, творчествоын но) шуыса валэкто
Анна Павлова, ӵектослэн огез гожтӥсез
 

Ватсалом, кун йӧскалык политика удысын ӵектосъёсты (программаосты) быдэсъян понна муниципал кылдытэтъёслы субсидиос люкылон конкурслы йылпумъянъёсъя, Удмуртиысь 16 муниципалитетъёслэн коньдэтъёссылы оглом 1 миллион 485 сюрс 800 манет сётозы. 

Тодэ вайытом, «Удмурт Кенеш» огазеяськонлэн Калык творчествоя элькун юртэн огазьын дасям Нылкышно творчествоя «Чеберай» марафонлэн ӵектосэз Азьмуртлэн грантъёсыныз фондлэсь 2 миллион 580 сюрс 639 манет тыр юрттэт басьтоз.



Наверх
Вниз