Ижкар+7 °C
14 коньывуон 2019 Вордӥськон
16+

Калыкез лыдъян-гожтон ортчоз 2020-тӥ арын Удмуртиын

  • 2617
  • 0
Ижкар / Удмуртия
Калыкез лыдъян-гожтон ортчоз 2020-тӥ арын Удмуртиын
Туспуктэм: Григорий Фомин

2020-тӥ арын коньывуонэ Россиын калыкез лыдъян-гожтон ортчоз. Ужрадэ Удмуртиын улӥсь одӥг но ӝыны миллионлэсь трос адями пыриськоз. Со сярысь Ижкар администрацилэн пресс-службаез ивортэ.

Удмуртилэн кивалтэтэз но Ижкарлэн администрациез улосвылын но шоркарын ужрадэз радъян но ортчытон сярысь ужкагазъёс юнматӥзы. Озьы ик дасяськон радлыкен дырпус юнматӥзы.

Калыкез лыдъян-чотанлы йылпумъянъёсъя тодмо луоз, кӧня но кыӵе йӧслыкъёсысь адямиос уло элькунамы, нылкышноослэн но воргоронъёслэн шоро-куспо арлыдзы, кыӵе коркаосын каръёсын но гуртъёсын уло, кӧня юртъеръёсын пӧсь вузы, канализацизы, мисьтаськон интызы вань, кӧнялы йылӥзы сиён пӧран понна электрокужемез кутӥсь юртъеръёс, куинь аресозь кӧня пиналъёс нылпи садъёсы ветло, кӧня элькунамы кема улӥсьёс но мукет.

2010-тӥ арын калыкез лыдъян-чотанлы йылпумъянъёсъя, Россиын 552 сюрлэсь ятыр удмуртъёс уло шуыса тодмо луиз. Соос пӧлысь 410 сюрслэсь тросэз – Удмуртиын. 247 сюрслэсь уноез  юамъёс удмурт кылэз тодо шуыса веразы. Удмуртъёслэн лыдзы тужгес но трос Шаркан но Алнаш ёросъёсын вал (80 процентлэсь тросэз улӥсьёссы)

удмуртъёс лыдпусъёсын.jpg

Лыдъян-чотан улсын шараям валатэтъёс кун кивалтэтлы калыкез уже интыян, тазалыкез утён, улон интыосты умоятон, пӧртэм мерлыко юртъёс, эмъюртъёс, школаос, нылпи садъёс пуктон, тодос удысэз азинтон ужпумъёсъя программаос кылдытыны юрттозы.

Ужрад улсын тодэм валатэтъёс бордысь потоз, кӧня коньдон лыктоз улосвыламы калыклэсь улонзэ умоятонлы сӥзем программаосты быдэсъянлы.

2020-тӥ арын калыкез лыдъянлы йылпумъянъёсты 2021-2022 аръёс ӵоже шараялозы

Тодэ вайытом, Удмуртстат ивортэмъя, берло 10 аръёс ӵоже Ижкарын улӥсьёслэн лыдзы 38 сюрс пала адямилы йылӥз, но та ар кутсконысен 5 толэзь ӵоже Удмуртиын улӥсьёс 3 сюрслэсь трос адямилы кулэсмизы

Наши партнеры

Наверх
Вниз