Ижкар+23 °C
18 гудырикошкон 2019 Воскресенье
16+

Выль книгаос, гожъясьёсын пумиськонъёс, мастер-классъёс: Удмуртилэн шоркараз «Лыдӟиськы, Ижкар» фестиваль ортчоз

  • 380
  • 0
Ижкар / Удмуртия
Выль книгаос, гожъясьёсын пумиськонъёс, мастер-классъёс: Удмуртилэн шоркараз «Лыдӟиськы, Ижкар» фестиваль ортчоз
Туспуктэм: Григорий Фомин

6-8 куарусёнэ Удмуртилэн шоркарысьтыз Киров нимо паркысь фан-зонаын «Лыдӟиськы, Ижкар» («Читай, Ижевск») VII книга фестиваль ортчоз. Со сярысь кар администрацилэн пресс-службаез ивортэ.

Книга фестиваль – карысь одӥгез тужгес бадӟымез литературая ужрад, татын котькуд мылкыд карись выль книгаосын тодматскыны, тунсыко лекциосы ветлыны, мастер-классъёсы пыриськыны быгатоз, нош валтӥсез – книгаос бырйыны!
фестивалез радъясьёс

Книгаосын адӟытон-вузкарон сяна, фестивальын лекциос, кенешонъёс, творчествоя пумиськонъёс радъялозы. Муниципал лыдӟетъюртын ужасьёс кунысь но дуннеысь лулчеберет, литература удысысь тужгес яркыт ужрадъёс, лэчыт ужпумъёс сярысь вералозы. Пиналъёс но анай-атайёссы понна дышетонъя нимысьтыз мастер-классъёс ортчозы.

Ижкарын улӥсьёс но куноос паркын тодмо гожъясьёсын, литератураез эскерисьёсын, тодосчиосын но кылосбурчиосын пумиськыны, улэп крезьгур кылзыны, нош ӝытазе бадӟым экран вылын кино учкыны быгатозы.

Куинь нуналлы ужанрадлыкен фестивальлэн сайтаз тодматскыны луоз. Со сяна, мылкыд карисьёс «ВКонтакте» мерлыко вотэсысь огинын ивортыны быгато, кыӵе ужрадъёс соос ортчытыны быгатысалзы.

Тодэ вайытом, 17-тӥ гудырикошконэ Удмуртиысь «Лудорвай» музей заповедникын Гурт лулчеберетъя «ГуртFEST» IV калыккуспо фестиваль но Чечы спас ортчоз.

Наши партнеры

Наверх
Вниз