Ижкар+18 °C
24 гудырикошкон 2019 Кӧснунал
16+

120 пала куриськонъёс вуизы пиналъёслэсь Удмуртиысь «Шундыкар» лагере шедён понна

  • 352
  • 0
Ижкар / Удмуртия
120 пала куриськонъёс вуизы пиналъёслэсь Удмуртиысь «Шундыкар» лагере шедён понна
Туспуктэм: Григорий Фомин

Удмурт пиналъёслы «Шундыкар» лагере шедён понна вожвылъяськонэ туэ 120 пала куриськонъёс вуизы. Со сярысь ивортодэтъя «Удмуртия» агентстволы сменалэн кивалтӥсез, «Шунды» огазеяськонлэн тӧроез Алина Чернова вераз.

Вожвылъяськон улсын быдэстэм ужъёсты эскерыса, радъясьёс Удмуртиысь, Татартсанысь, Башкириысь но Пермь шаерысь 105 пиналъёсты бырйизы. Алина Черновалэн верамезъя, куриськонъёс пӧртэм арлыдо пиналъёслэсь вуизы, но тросэзлыгес 14-16 арес.

«Шундыкар» лагерьын туэ 11 оръёс ужалозы:

- дӥськут дизайн - дышетоз дизайнер Надежда Касаткина, юрттӥсез - Анастасия Чиркова. Пыриськозы 12 пиналъёс;

- крезьгуро инструментъёсын шудон - дышетоз крезьгурчи Владимир Жуйков, юрттӥсез - Кирилл Кириллов. Пыриськозы 9 пиналъёс.

- кибашлыос – дышетон кибашлы Василий Широбоков, юрттӥсез – Александр Колесников. Пыриськозы 8 пиналъёс;

- информационной технологиос – дышетоз программист Григорий Григорьев, юрттӥсез - Александр Колесников. Пыриськозы 5 пиналъёс;

- суредаськон - дышетоз суредась Марина Степанова, юрттӥсез - Влад Волков. Пыриськозы 11 пиналъёс;

- журналистика – дышетоз журналист Вероника Ваулина, юрттӥсез - Алексей Степанов. Пыриськозы 9 пиналъёс;

- эстрада - дышетоз кырӟась Марина Галичанина, юрттӥсез - Полина Куликова. Пыриськозы 8 пиналъёс;

- фольклор - дышетоз крезьчи Валерия Федорова, юрттӥсез - Мария Ефремова. Пыриськозы 14 пиналъёс;

- театр - дышетоз актёр Константин Никитин, юрттӥсез - Владимир Миннигараев. Пыриськозы 13 пиналъёс;

- туспуктон - дышетоз туспуктӥсь Максим Егоров, юрттӥсез - Алёна Глухова. Пыриськозы 7 пиналъёс;

- литература - дышетоз кылбурчи Анастасия Шумилова, юрттӥсез - Анастасия Фомина. Пыриськозы 9 пиналъёс.

«Шундыкар» 17-27 гудырикошконэ «Ёлочка» лагерьын ортчоз (Ижкарысь потыса, Вотка шосселэн 27-тӥ иськемез). Туэ пиналъёс отчы асьсэос вуыны кулэ луозы. 

Тодэ вайытом, кылем ар «Шундыкар» лагерь 10 ӧръёсъя ужаз.

Шундыкар-2018


Наши партнеры

Наверх
Вниз