Ижкар+18 °C
24 гудырикошкон 2019 Кӧснунал
16+

Быдӟым Атыкай оже пыриськемлэсь лысьӧмъёссэ ватозы вордскем шаераз Ижкарын 22-тӥ гудырикошконэ

  • 239
  • 0
Ижкар / Удмуртия
Быдӟым Атыкай оже пыриськемлэсь лысьӧмъёссэ ватозы вордскем шаераз Ижкарын 22-тӥ гудырикошконэ
Туспуктэм: Алексей Арзамасцев

22-тӥ гудырикошконэ Ижкарысь Уйпал шайвылын Быдӟым Атыкай ожын бырем ожгарчилэсь Яков Егорович Ефремовлэсь лысьӧмъёссэ ватозы. Со сярысь кар администрацилэн пресс-службаез ивортэ.

2019-тӥ арын куартолэзе Новгород улосвылысь Марёво ёросысь Кулотино гурт вӧзын утчаськон дыръя поисковикъёслэн «Находка» отрядзы берм ожгарчилэсь лысьӧмъёссэ шедьтӥзы. Медальонъя криминалистъёс солэсь кин лумзэ тодӥзы – со Удмуртиысь Кез ёросын 1907-тӥ арын вордскем Яков Егорович Ефремов вылэм, Фронтэ Кезысь военкоматэн 1941-тӥ арын 28-тӥ гудырикошконэ басьтэмын. 1942-тӥ арын куартолэзе Кулотино гурт вӧзын совето войскоослэн наступленизы дыръя миномёт ожгарчиослэсь группазэс «шобыртӥз». Ожгарчиослэн лысьӧмъёссы вырйылын 77 ар ватытэк улӥзы.

17-тӥ гудырикошконэ Ижкар администрацилэн но Удмуртиысь егитъёслэн «Долг» огазеяськонзылэн ыстэм муртъёссы Кулотиное мынозы. Отын 19-тӥ гудырикошконэ «Находка» отряд Удмуртиын вордскем ожгарчилэсь лысьӧмъёссэ сётоз.

Ватон ужрадэ ожгарчилэн Москваысь, Волгоградысь, Орёлысь, Кезысь ӵыжы-выжыосыз пыриськозы. Курадӟытэм Дун-Чылкыт эксей семьялэн черказ вӧсьнегре 11 часын кутскоз

 

Наши партнеры

Наверх
Вниз