Ижкар-1 °C
15-тӥ шуркынмон 2019 Удмуртарня
16+

Удмуртстат: нылпилы школае мыныны дӥськут шорлыдын 250 манетлы дунтэмаз

  • 363
  • 0
Ижкар / Удмуртия
Удмуртстат: нылпилы школае мыныны дӥськут шорлыдын 250 манетлы дунтэмаз

Удмуртиын школае мынӥсь нылпиослы ӧжытсэ дӥськут туэ пӧсьтолэзе шорлыдын 3 процентлы дунтэмаз: пиослы 232 манетлы, нылъёслы 250 манетлы. Со сярысь Удмуртстатлэн пресс-службаез ивортэ. 

Школае мынӥсь нылпилы дӥсь но пыдкутчан басьтыны 8 сюрс манетлэсь трос кулэ луоз.

Шорлыдын 8 сюрс 252 манет усись пилы огъетэ пыро: шуныт куртка – 4 сюрс 60 манет, штан – 1 сюрс 339 манет, дэрем – 759 манет, ботинка – 2 сюрс 120 манет. 

Нылъёслы огъет кӧня ке дуногес - шорлыдын 8 сюрс 500 манет. Отчы пыро: шуныт куртка – 4 сюрс 60 манет, блузка – 1 сюрс 216 манет тыр, юбка – 1 сюрс 110 манет, туфли (ботинка) – 2 сюрс 120 манет.

Школае ветлон дӥсез кӧня ке воштон понна пиос джинсы дӥсяны быгато (1 сюрс 313 манет), нош нылъёс – юбка интые дэрем яке сарафан (1 сюрс 674 манет).

Со сяна, пиналъёслы физкультурае потаны дӥсь кулэ. Отчы пыро футболка (276 манет), спорт костюм (1 сюрс 915 манет), искусственной кулэсь кроссовкиос (1 сюрс 94 манет). Оглом физкультуралы дӥсь 3 сюрс 285 манет тыр усёз, со, кылем арен ӵошатыса, 257 манетлы дунтэмгес.

Озьы ик пиналъёслы гожъяськыны-суредаськыны вузъёс кулэ луозы. Школа тетрадь шорлыдын 7 манет сылэ, ручка – 16 манет, карандаш – 19 манет, суредаськон альбом – 86 манет, фломастеръёс – 160 манет. Оглом таӵе бичет 288 манет тыр усёз, со кылем арынлэсь 11 процентлы дуногес

Школае мыныны песьтэр басьтыны ог 2 сюрс 300 манет висъяно луоз. Таиз дун кылем арын кадь ик.

Анай-атайёс пиналъёссылы выль смартфон басьтыны малпазы на ке, со 10 сюрс манетлэсь трос усёз. Со котырын ик сылэ планшет, нош компьютер ог куинь поллы дуногес. 

Тодэ вайытом, 2019-тӥ арын 1-тӥ куарусёнэ Ижкарысь школаосы нырысетӥ классэ 10 сюрс пиналъёс мынозы.

Наши партнеры

Наверх
Вниз