Ижкар+5 °C
21 куарусён 2019 Кӧснунал
16+

«2019-тӥ арлэсь песятайзэ» быръёзы Ижкарын толсуре

  • 747
  • 0
Ижкар / Удмуртия
«2019-тӥ арлэсь песятайзэ» быръёзы Ижкарын толсуре
Туспуктэм: Руслан Нуриахметов

Туэ толсуре Ижкарын «2019-тӥ арлэн песятаез» вожвылъяськон ортчоз, отчы пӧртэм йӧслыкъёсысь воргоронъёсты пыриськыны ӧтё. Со сярысь вожвылъяськонлэн «ВКонтакте» мерлыко вотэсысь огиназ ивортэмын.

Вожвылъяськонэз калыкъёслэн сям-йылолъёсынызы тунсыкъяськонэз будэтон, семьяын но мер улонын песятайёслэсь интызэс юнматон, Удмуртилэн шоркараз улӥсь калыкъёслэсь кусыпъёссэс азинтон понна Ижкарысь поръёслэн «Ижевск Мари» огазеяськонзы радъя. 

Вожвылъяськонэ Ижкарысь, озьы ик Удмуртиысь но мукет улосвылъёсысь  мылкыд карись песятайёсты возьмало. Котькуд выжыысь быдэн одӥг адями пыриськыны быгатэ. Песятайёс ас калыксылэсь сям-йылолъёссэ, лулчеберетсэ тодыны, асьсэзыз сцена вылын возьыны быгатыны кулэ. Со сяна, вожвылъяськонэ пыриськисез дасясь котькуд йӧскалык огазеяськон яке творчествоя коллектив «висисьёссэ» дасяны кулэ.

Конкурсэ пыриськыны мылкыд карисьёслэсь куриськонъёссэс 9-тӥ шуркынмонозь кутозы. 

14-тӥ шуркынмонысен 14-тӥ толсурозь ужрадлэн «Вконтакте» мерлыко вотэсысь огиназ куара сётон мыноз.

Нош 15-тӥ толсуре 13 часын Ӟуч лулчеберетъя «Русский дом» центрын «2019-тӥ арлэн песятаез» вожвылъяськонлэн йылпумъясь люкетэз ортчоз.

Вожвылъяськонэ пыриськись песятайёслы портфолио, «Мынам дуннее» темая туспуктэмъёсын стенд, визитка, творчествоя вожвылъяськонлы номер дасяно луоз. Со сяна, «висисьёс» но ас номерзэс возьматозы

Пусъём, вожвылъяськонэз ортчытыны коньдон пор огазеяськон мерлыко ӵектосъёсъя кар вожвылъяськонын утӥз. 

Тодэ вайытом, кылем арын «Ижевск Мари» огазеяськон «2018-тӥ арлэн песянаез» вожвылъяськон ортчытӥз.

Наши партнеры

Наверх
Вниз