Ижкар-1 °C
14 шуркынмон 2019 Покчиарня
16+

Удмурт кылын видеолекциос кылдытонъя интернет-ӵектослы Удмуртиысь Йӧскалык политикая министерство дурбасьтӥз

  • 770
  • 0
Ижкар / Удмуртия
Удмурт кылын видеолекциос кылдытонъя интернет-ӵектослы Удмуртиысь Йӧскалык политикая министерство дурбасьтӥз
Туспуктэм: vk.com ("КУАРА" огин)

Удмурт кылын видеолекциосты кылдытонъя «Тубат» интернет-ӵектос выль сезонын ужзэ выль ужъюлтошъёсын мытэ. Туэ «Тубатэз» кылдытон уже Удмуртиысь Йӧскалык политикая министерство но пыриське. Со сярысь ӵектосэз кылдытӥсь «Куара» огазеяськон ивортэ.

Ӵектос улсын вить видеоужъёс кылдытыны чакламын. Видеороликъёслэсь пуштроссэс узырмытыны чакламын пӧртэм амалъёсъя: инфографикаез уже кутыса, гожтэтэн, туспуктэмъёсын но мукет. Чаклам ужез вылӥ ӟечлыкен быдэстон понна проектэ кыскытэмын зэмос ӧнерчиос: операторъёс, монтажеръёс, дизайнеръёс
«Куара» огазеяськон

«Тубат» ӵектос - удмуртъёслэн кылзы, лулчеберетсы но сям-йылолъёссы сярысь удмурт кылын видеолекциосын сузьет. Лекциосты ас удысазы валтӥсь ӧнерчиос - этнографъёс, историкъёс, филологъёс но мукет тодосчиос - лыдӟо.

Ӵектосэз калык пӧлын паськытгес вӧлмытон вылысь вань видеолекциосты ӟуч но англи кылэ берыктозы. Видеороликъёсын тодматскыны нимысьтыз луонлык кылдытэмын луоз историяя, шаертодонъя, удмурт литературая но мукет тодметъёсъя дышетӥсьёслы, ВУЗъёсысь преподавательёслы, школаосысь бадӟым классъёсын дышетскисьёслы, вылӥ но шоръёзо ӧнер сётонъя дышетсконниосысь студентъёслы но вань мылкыд карисьёслы, кин азьланяз улонзэ тодослыкен герӟаны малпа
«Куара» огазеяськон

Туннэ ӵектос рос-прос ужа ни, та дырлы аспӧртэм но тунсыко пуштросэн ньыль видеолекциос гожтэмын. Соосты «ВКонтакте», «Одноклассники», Facebook (Фейсбук) но YouTube (Ютуб) мерлыко вотэсъёсын учкыны луэ.

Тодэ вайытом, удмуртлыкез азинтон понна егит удмурт азьветлӥсьёс «Куара» огинэз 2018-тӥ арын кылдытӥзы.  Туэ выль огазеяськон мерлыко вотэсъёсын финн-угор но самоди кылын гожъясь блогеръёс куспын вожвылъяськоназы вормисьёс пӧлы шедиз

Наши партнеры

Наверх
Вниз