Ижкар+5 °C
21 куарусён 2019 Кӧснунал
16+

Нылпи сад, вокзал но школа: Удмуртилэн тӧроез Можгае ужъя пумиськонъёсын вуылӥз

  • 528
  • 0
Можга / Удмуртия
Нылпи сад, вокзал но школа: Удмуртилэн тӧроез Можгае ужъя пумиськонъёсын вуылӥз
Туспуктэм: Мария Соловьёва

31-тӥ гудырикошконэ Удмуртилэн тӧроез Александр Бречалов Можгае ужъя пумиськонъёсын  вуылӥз. Соин ӵош ивортодэт вӧлмытӥсьёс но ветлӥзы, пӧлазы «Удмуртия» агентстволэн корреспондентэз но вал.

Нырысь ик Удмуртилэн тӧроез 80 интылы чаклам 15 номеро нылпи садэ вуылӥз. Ужъюртэз Россилэн азьмуртэныз кичӧлтэм «Демография» йӧскалык ӵектос улсын пуктӥзы

Александр Бречалов ужъюртын тыршисьёсын но мыло-кыдо анай-атайёсын пумиськиз.

Александр Бречаловлэн 31-тӥ гудырикошконэ Можгаын пумиськонъёсын

10 фото

Нылпи сад карын пиналъёслы интыослы кулэяськонэз быдэсак ворса. Отын нылпиослэсь тазалыксэс кыдатон но шудон, чылкытлыксэс утён но сиськонзэс радъян понна ваньмыз вань.

Нылпи садын ньыль группа ужалоз: кык группа одӥг аресысен кык аресозь пиналъёслы но кык группа кык аресысен куинь аресозь пиналъёслы
Лариса Трушкова, 15 номеро нылпи садлэн кивалтӥсез

Собере Удмуртилэн тӧроез Можгаысь чугун сюрес станцие вуылӥз, со туэ 100 ар тырмонзэ пусъе. Выль вокзалэз чугун сюреслэн мукет палаз пуктозы, соин ик карын улӥсьёс но станциын ужасьёс истори юртлэн азьланез сярысь сюлмасько.

Чугун сюрес вокзаллэн сю аръем юртэз – чугун сюрес станцилэн гинэ азинскон историез ӧвӧл, быдэс Можга карлэн, можгаослэн кӧня ке выжыоссылэн. Сое одно ик утёно но музей кароно
Александр Бречалов, Удмуртилэн тӧроез

Чугун сюрес станция бӧрсьы 9 номеро школалэн кыкетӥ корпусаз вуылӥзы. Сое 2017-тӥ арын уже кутӥзы. Школа вань туала куронъёслы тупа но ӟеч дышетскыны но, шутэтскыны но кулэ луись вань арбериосын тырмытэмын. Татын робототехникая но моделированиея класс вань, ивор вӧлмытонъя ас центрзы. Нош 2019-2020 дышетскон аре 9 номеро школаын МЧС-лэсь куинь кадет классъёссэ усьто.

Туала, синмаськымон школа, ӟеч коллектив. Соос тӧроен ӵош школа программае пыртытэк беспилотникъёсъя, робототехникая ӵектосъёс лэсьто. Со туж усто
Александр Бречалов, Удмуртилэн тӧроез

Озьы ик Удмуртилэн тӧроез ватсаз, Можгалы экономика ласянь но, йӧскалык ӵектосъёсты улонэ пыӵатон ласянь но тросгес саклык висъяны кулэ шуыса. 

Наши партнеры

Наверх
Вниз