Ижкар+5 °C
21 куарусён 2019 Кӧснунал
16+

Совето Союзлэн Героезлы синпелет усьтӥзы Удмуртиысь Пичи Пурга черкогуртын

  • 462
  • 0
Пичи Пурга / Удмуртия
Совето Союзлэн Героезлы синпелет усьтӥзы Удмуртиысь Пичи Пурга черкогуртын
Туспуктэм: Удмуртиысь тӧролэн но кивалтэтлэн пресс-службазы

5-тӥ куарусёнэ Пичи Пургаын Совето Союзлэн Героезлы Закир Султановлы синпелет усьтӥзы. Со сярысь Удмуртиысь тӧролэн но кивалтэтлэн пресс-службаез ивортэ. 

Сӥё-дано ужрад черкогуртысь 1 номеро школа вӧзын ортчиз, со Геройлэсь нимзэ нуллэ

Синпелетэз усьтонэ черкогуртын улӥсьёс, кунпуш ужъёсъя министерстволэн Пичи Пурга ёросъя ёзэтаз ужасьёс но отысь ветеранъёс, дышетскисьёс пыриськизы. Озьы ик ужрадэ Удмуртиысь кивалтэтлэн тӧроез Ярослав Семёнов, элькунысь кунпуш ужъёсъя министр Алексей Попов лыктӥзы.

Нырысь ик мынам татын сылӥсь пиналъёслы но дышетскисьёслы вазиськеме потэ: ойдолэ та быдӟым адямилэсь данзэ ум уськытэ. Ум вунэтэ, асьме музъеммы котьку зэмос геройёсты вордӥз но вордоз шуыса
Ярослав Семёнов, Удмуртиысь кивалтэтлэн тӧроез

Совето Союзлэн Героезлы Закир Султановлы синпелетэз усьтон

11 фото

Синпелет кылдытонлы но пуктонлы коньдон люказ Удмуртиысь кунпуш ужъёсъя ёзэсъёсысь ветеранъёслэн кенешсы. Солэн кивалтӥсез Герман Санников озьы ик ужрадэ лыктӥз.

Закир Султанов 1923-тӥ арын Пичи Пурга ёросысь Бигерпочинка гуртын вордскиз. 7 классэз йылпумъяса, фабрикаын но заводын ужасьёслэн (ФЗУ) школаязы ӧнер басьтӥз, Агрызын паровозъёсты тупатъянъя слесарь луыса ужаз, собере – Ижысь машинаос лэсьтон заводын. 1942-тӥ арын ас мылкыд каремезъя фронтэ кошкиз. Курс понна ожмаськонъёс пыриськиз. Трос пол сӧсырмылӥз. Тужгес ӟырдыт Варшава понна ожмаськиз.

1945-тӥ арын куартолэзе дивизилэн азьпал мынӥсь ёзъёсыз Висла доры потӥзы. Лейтенант Султанов но эшшо кык ожгарчиос шурез выжонэз радъяны быгатӥзы. Ужпумез ӟеч быдэстэмез понна сол Совето Союзлэн Героез ним сётӥзы.

2016-тӥ арын Пичи Пургаысь 1 номеро школалэн юртэз борды Быдӟым Атыкай оже пыриськем улосчизылы буре ваён пул усьтӥзы

Тодэ вайытом, 30-тӥ гудырикошконэ Ижысь техникая кун университетысь скверын ыбылӥськон тӥрлык кылдытӥсьлы Михаил Калашниковлы синпелет усьтӥзы

Наши партнеры

Наверх
Вниз