Ижкар+5 °C
21 куарусён 2019 Кӧснунал
16+

Калашников Шереметьевоын: аэропортын ыбылӥськон тӥрлык лэсьтӥсьлы 100 ар тырмонлы туспуктэмъёсын адӟытон усьтӥзы

  • 317
  • 0
Москва / Россия
Калашников Шереметьевоын: аэропортын ыбылӥськон тӥрлык лэсьтӥсьлы 100 ар тырмонлы туспуктэмъёсын адӟытон усьтӥзы
Туспуктэм: Удмуртиысь тӧролэн но кивалтэтлэн пресс-службазы

Ыбылӥськон тӥрлык кылдытӥсьлы Михаил Калашниковлы 100 ар тырмонлы Шереметьево аэропортын туспуктэмъёсын адӟытон усьтӥзы. Со сярысь Удмуртиысь тӧролэн но кивалтэтлэн пресс-службазы ивортэ.

Адӟытон Е терминаллэн Арт-галереяаз радъямын

Туспуктэмъёсын адӟытон – со Шереметьевоысь пассажиръёслы историен но Удмуртиысь тодмо конструкторлэн улонэныз но вормонъёсыныз тодматскыны туж усто луонлык. Котькуд пассажир – адӟытонэн тодматскись – кӧнялы ке но Удмуртилы матынгес луоз. Шереметьево пыр нунал ӵоже 150 сюрслэсь ятыр адями потэ
Александр Свинин, Удмуртиысь кивалтэтлэн тӧроезлэн нырысетӥ воштӥсез

Туспуктэмъёсты кӧня ке люкетъёслы люкизы: «конструкторлэн улон сюресэз сярысь», «выжыослы гожтэтъёс», «политикаын ужан вакытыз», «ыбылӥськон тӥрлык лэсьтон ужез азинтонэ ватсэтэз», «валтӥсь арберизэ – АК-47 – кылдытон сюресэз», «конструктор луыса ужан вакытыз», «пичи дырыз но школа аръёсыз», «армия но ож аръёс».

Калашниковлэн улонысьтыз туспуктэмъёсты 30-тӥ куарусёнозь адӟыны луоз. Пыронэз дунтэк

Тодэ вайытом, 10-тӥ шуркынмонэ Михаил Калашников вордӥськем дырысен 100 ар тырмоз. Кемалась ик ӧвӧл, Ижкарын пыӵал тӥрлык лэсьтӥсьлы синпелет пуктӥзы

Наши партнеры

Наверх
Вниз