Ижкар+5 °C
21 куарусён 2019 Кӧснунал
16+

Александр Бречалов: тодосчиен Альберт Разинэн луэм шимес учыр - бадӟым куректон

  • 354
  • 0
Ижкар / Удмуртия
Александр Бречалов: тодосчиен Альберт Разинэн луэм шимес учыр - бадӟым куректон
Туспуктэм: Алексей Арзамасцев

Удмуртилэн тӧроез Александр Бречалов 10-тӥ куарусёнэ тодосчиен Альберт Разинэн луэм шимес учырез бадӟым куректонэн вераз. Со пусйиз, соос тодмо вал, асэныз но, элькун тӧрлыкъёсы пӧртэм юанъёсын вазиськылӥсь огмылкыдо муртъёсын но пумиськылӥз шуыса. Со сярысь Удмуртиысь тӧролэн но кивалтэтлэн пресс-службазы ивортэ.

Валамон, со бадӟым куректон, адями лулчеберетэз но удмурт кылэз азинтон понна трос лэсьтӥз. Мур куректэмме верасько ӵыжы-выжыосызлы но матысь адямиосызлы
Александр Бречалов, Удмуртилэн тӧроез

Озьы ик со элькунысь Кун Кенеш дорын луэм шимес учырен сэрен йӧскалык политикаен герӟаськем ужпумъёс вылын спекулировать каронлэсь возиськыны куриз.

Ивортодэт вӧлмытӥсьёсты но огшоры калыкез йӧслык ужпумъёс пумысен спекулировать каронлэсь возиськыны курисько, малы ке шуоно удмурт кыл, лулчеберет, история, дунлыкъёс пумысен Удмуртилэн кивалтэтэныз ортчытӥськись политика котьма ласянь юрттэт сётыны гинэ ӧръямын
Александр Бречалов, Удмуртилэн тӧроез

Удмуртилэн тӧроез та учырез улосвыл тӧрлыкъёслэн удмурт кылэз но лулчеберетэз утён ласянь политикаенызы меӵак герӟаны кулэ ӧвӧл шуыса лыдъя.

Солэн кылъёсызъя, элькунамы удмурт кылэз котькуд мылкыд карись дышетыны быгатэ. Со сяна, нырысьсэ улосвыл тӧролэн Москваысь постпредствояз кылъя дунтэк курсъёс ортчытыны кутскизы.

Али элькунысьтымы 282 дышетон огазеяськонъёсын 10 сюрслэсь ятыр пиналъёс понна школалэсь азьвыл тодон-валан сётон программаос анай кылъёсты дышетонэн улонэ пыӵатӥсько, со куинь ар талэсь азьлолэсь 1 сюрс 248 нылпилы тросгес. Озьы ик берло кык ар ӵоже школаосын удмурт кылэз дышетӥсьёслэн лыдзы сюрслэсь трослы йылӥз
Александр Бречалов, Удмуртилэн тӧроез

Улосвыл тӧролэн верамезъя, элькунамы йӧскалык мер огазеяськонъёслы, удмурт кылын ивортодэт вӧлмытӥсьёслы бадӟым саклык висъяло. Озьы, берло вить-куать ар ӵоже удмурт кылэз но йӧскалык лулчеберетэз утён, азинтон понна кӧня ке пусйымон пумкылъянъёс кутӥзы. Удмуртилэн кунлыкезлы 100 ар тырмонлы Александр Бречалов элькунысь лулчеберетъя министерстволы анай кылын гожъясь писательёслэсь но кылбурчиослэсь вожвылъяськонзэс паськытатыны куриз.

Улосвыл тӧролэн малпанэныз Россиысь но Удмуртиысь мер адямиос но соглаш луо

Наши партнеры

Наверх
Вниз