100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Семьяен шутэтскон парк лэсьто Можга ёросын

  • 514
  • 0
Пичи Сюга / Удмуртия
Семьяен шутэтскон парк лэсьто Можга ёросын
Туспуктэм: vk.com (Ирина Кумаева)

Можга ёросысь Пичи Сюга гуртысь лулчеберет юрт вӧзы семьяен шутэтскон парк лэсьто. Со сярысь ивортодэтъя «Удмуртия» агентстволэн корреспондентэзлы Можга ёросысь ЗАГС ёзэтэн кивалтӥсь Лилия Григорьева вераз.

Пичи Сюгаысь лулчеберет юртын кузпалъяськисьёсты сӥё-дано гожтон зал ужа. Солы луыса, ЗАГС ёзэтын ужасьёс юрт котырез умоятон понна «Парк семейного отдыха» ӵектос гожтӥзы. Ӵектосэз ёрослэн тӧроез Александр Васильев элькун вожвылъяськонын утиз, но со 500 сюрс манет тыр грант утӥз.

Паркез лэсьтон бордын ужаны кутскизы ини. 

Милям отын кузпалъяськисьёслы арка луоз, собере пичи гинэ выж, егит воргорон кузпалзэ ки вылаз мед поттоз шуыса, собере луоз кӧс шур, пичияк площадка, отын луозы синмаськемъёслэн скамьязы, собере ӝӧк луоз нуисьлы, гужем шулдыр куазен отын регистрация ортчытыны, замокъёс ошылыны дурем писпу
Лилия Григорьева, Можга ёросысь ЗАГС ёзэтэн кивалтӥсь

Со сяна, парк вӧзы нылпиослы шудон площадка но лэсьто. Сое «Инициативное бюджетирование» программа улсын улонэ пыӵато. 

4-тӥ коньывуонэ парк ӧсъёссэ усьтоз. Солы луыса Пичи Сюгаын сӥё-дано ужрад ортчытозы. Нош выль паркын егитъёсты кузпалъялозы. 



Наверх
Вниз