Ижкар-3 °C
22 -тӥ тулыспал 2020 Кӧснунал
16+

«Удмуртия» книгапоттоннилэн 100 ар тырмонэзлы адӟытон усьтӥськоз элькунысь Кун Кенешын

  • 235
  • 0
Ижкар / Удмуртия
«Удмуртия» книгапоттоннилэн 100 ар тырмонэзлы адӟытон усьтӥськоз элькунысь Кун Кенешын
Туспуктэм: Майя Бывальцева

26-тӥ куарусёнэ 14 часын элькунысь Кун Кенешлэн юртаз Йӧскалык лыдӟетъюрт «Удмуртия» книгапоттоннилэн 100 ар тырмонэзлы «Устоез – тӥ понна» книга адӟытонзэ усьтоз. Со сярысь ужъюртлэн пресс-службаез ивортэ.

«Удмуртия» книгапоттонни 1919-тӥ арын куарусёнысен ужзэ нуэ. 100 ар ӵоже издательствоын оглом 91 миллион экземплярлэсь трос тиражен 12 сюрс пала книгаос но брошюраос поттӥзы. Со чеберлыко, нылпиослы, дышетскон, шаертодонъя, справочной, тодосъя, научно-популярной литература, удмурт но ӟуч кылын книгаос, мукетыз печатлам ужъёс

Адӟытонын издательствоен 1920-тӥ арын Сарапулын поттэм Кузебай Гердлэн «Малмыж удмуртъёслэн кырӟанъёссы», «Электричество кужым – гурт калыклы кузьым» книгаосын тодматскыны луоз. Со вакытэ книга поттон ёзэтэн кылбурчи, тодосчи, мер ужась Кузебай Герд кивалтӥз. Озьы ик со дыре крестьянъёслы но ужасьёслы «Ленинская библиотечка», «Обязательные книги для крестьян», «Дешёвые книги по медицине» но мукет сериосын дунтэм книгаос потылӥзы.

Со сяна, адӟытонысь учкыны луоз берло аръёсы потэм сериосысь тужгес йӧно книгаосты. Соос пӧлын «Память Удмуртии» сериын потэм Семён Самсоновлэн «И это – Родина моя» книгаез (2001-тӥ ар), «Русская классика на удмуртском языке» сузьет улсын потэм Николай Некрасовлэн кылбуръёсыз, «Быръем произведениос» книга (2005-тӥ ар), «Феномен Удмуртии» книга. «Моя малая Родина» сериысь Михаил Козловлэн «Граховский звездопад» книгаез (2002-тӥ ар), «Человек. Писатель. Время» сериысь Михаил Коноваловлэн «Кизилитэм уйёс ӧвӧл: роман, веросъёс, статьяос, тодэ ваёнъёс, гожтэтъёс» книгаез (2005-тӥ ар) но мукетъёсыз.

Тодэ вайытом, туэ «Удмуртия» издательство книга поттӥсьёслэн кык огъяросси вожвылъяськонъёсазы куинь диплом басьтӥз

Наши партнеры

Наверх
Вниз