Ижкар+22 °C
8 -тӥ гудырикошкон 2020 Кӧснунал
16+

Удмурт кылъя «Кубо» вераськон клуб усьтӥськоз Ижкарын

  • 210
  • 0
Ижкар / Удмуртия
Удмурт кылъя «Кубо» вераськон клуб усьтӥськоз Ижкарын
Туспуктэм: Анжелика Тихонова

1-тӥ коньывуонэ Ижкарысь Йӧскалык лыдӟетъюртлэн йӧскалык но шаертодон литературая но библиографияя центраз (Удмурт урам, 264) удмурт кылъя «Кубо» вераськон клуб усьтӥськоз. Со сярысь лыдӟетъюртлэн пресс-службаез ивортэ.

Нырысетӥ пумиськон улсын «Тодматскон ӝыт» ортчоз, кутсконэз 18 часын

«Кубо» ним юнме быръемын ӧвӧл. Черсон сьӧрын пукыса, нылкышноос куспазы вераськылӥзы, кырӟаллязы, озьы кыл азинскиз
Йӧскалык лыдӟетъюртлэн пресс-службаез

Клубе пыриськисьёсын сценкаос, кырӟанъёс но кылбуръёс дышетозы, удмурт кылын мультфильмъёс учкозы, удмуртъёслэн сямъёсынызы тодматскозы, йӧскалык сиён-юонъёсты веръялозы.

Нырысетӥ пумиськонлэн куноез искусствоосъя элькун нылпи школаысь фольклоръя «Шудон» ансамбль (кивалтӥсьсы Юлия Павлова) луоз. Пиналъёслэсь устолыксэс элькунамы сяна, мукет улосвылъёсын но тодо ини

Пумиськонъёс куинь арнялы огпол пуксёнэ ортчылозы. 

Пусъём, клуб Удмуртилэн кунлыкезлы 100 ар тырмон азьын «Удмурт Кенеш» огазеяськонэн валчеяськыса усьтӥське. 



Наверх
Вниз