Ижкар+22 °C
11 -тӥ пӧсьтолэзь 2020 Кӧснунал
16+

Ижкар пӧртэм калыкъёс куспын тупаса улонэз юнматонъя устоез кар луиз

  • 329
  • 0
Ижкар / Удмуртия
Ижкар пӧртэм калыкъёс куспын тупаса улонэз юнматонъя устоез кар луиз
Туспуктэм: Алексей Арзамасцев

Удмуртилэн шоркарез «Лучшая муниципальная практика» огъяросси вожвылъяськонын вормисьёс пӧлы шедиз. Ижкар пӧртэм калыкъёс куспын тупаса улонэз юнматонъя ужрадъёсты быдэсъян сярысь номинациын нырысетӥ инты басьтӥз. Со сярысь Удмуртиысь Калыкъёслэн эшъяськон юртсылэн пресс-службаез ивортэ.

Ижкар Россилэн 58 улосвылъёсысьтыз 168 куриськонъёсын вожвылъяськиз. Вормон понна кар 3 миллион 800 сюрс манет басьтоз

Конкурслы йылпумъянъёсты Россилэн вице-премьерез, устооссэ муниципал практикаосты быръёнъя федерал ӧрилэн кивалтӥсез Виталий Мутко шараяз. Кун кивалтэтлэн пуктэмезъя «Лучшая муниципальная практика» вожвылъяськон арлы быдэ ортчытӥське но интыосын тужгес умой ужан амалъёсты пусъён но вӧлмытон вылысь радъяське.

Ватсалом, калыкен пайдалыко кусыпъёс возён но мер аскивалтонэз азинтон ӧрын устоез луиз Ставрополь. Волгоград улосвылысь Фролово карез жилищно-коммунальной возёсэз азинтон но карез лэсьтон политика удысын азинсконъёсыз понна пусйизы. Экономикая политикаез умой нуон но коньдонэз быгатыса кутон номинациын нырысетӥ инты басьтӥз Ханты-Мансийск.  

Тодэ вайытом, толсуре Ижкарын пӧртэм выжыысь воргоронъёс пӧлысь устозэ песятаез быръёзы.



Наверх
Вниз