Ижкар+2 °C
20 коньывуон 2019 Воскресенье
16+

Удмуртъёслэн куинетӥ ӧтчамзылы 100 ар тырмонлы сӥзем конференци ортчоз Сарапулын 15-тӥ коньывуонэ

  • 455
  • 0
Ижкар / Удмуртия
Удмуртъёслэн куинетӥ ӧтчамзылы 100 ар тырмонлы сӥзем конференци ортчоз Сарапулын 15-тӥ коньывуонэ
Туспуктэм: Руслан Нуриахметов

15-тӥ коньывуонэ Сарапулын Удмуртъёслэн III огъяросси ӧтчамзы дырысен 100 ар тырмонлы сӥзем «Удмурт мер движенилэн вашкала но туала югдурез» научно-практической конференци ортчоз. Со сярысь «Удмурт Кенеш» огазеяськонлэн пресс-службаез ивортэ.

2-тӥ коньывуонэ огазеяськонлэн тӧроез Татьяна Ишматова но Ижкарысь ёзчиосыз ужрадлэн пуштросэз но радлыкез пумысен вераськизы.

Отын асьмеос кемалась ини номыр ӧм ортчытъялэ вал. Туж умой, Сарапул кар «кенешчиосмы» мылкыд каризы таӵе бадӟым ужрад ортчытыны шуыса. «Электрон» лулчеберетъя юртлэн кивалтӥсез Елена Шохина но малпанзэс быдэстыны юрттэ. Соос быдэсак концертной программаез пуктозы но экскурсия дасялозы. Нош асьмелэсь пленарной люкетсэ витё
Татьяна Ишматова, «Удмурт Кенеш» огазеяськонлэн тӧроез

Огазеяськонлэн кивалтӥсезлэн куремезъя, докладъёс историен, Удмуртилэн кунлык басьтэмез дырысен 100 тырмонэн герӟаськемын луыны кулэ. Озьы ик Трокай Борисов сярысь доклад дасяно шуыса вераськизы, малы ке шуоно ӵапак солэн кичӧлтэменыз 1919-тӥ арын куарусёнэ Сарапулын удмуртъёслэн куинетӥез ӧтчамзы люкаськиз.

Со сяна, Сарапулысь музейын ужасьёс съездлэн ортчемез сярысь ивортон дасялозы. Удмурт журналист, литератураез эскерись, гожъяськись, тодосчи Александр Шкляев удмуртлык пумысен вераськоз, йӧскалык ужпумъёсты ӝутоз.

Озьы ик дышетон удысысь но ужпумъёсты сэрттозы-пертчозы, угось удмуртъёслэн ӧтчамзы бере Сарапулын дышетӥсьёслэн конференцизы ортчиз.

«Кенешчиос» ужрадэ егитъёсты но кысконо шуыса мылкыдъёссэс шараязы.

Кузебай Герд нимо гимназиысь дышетскись пиналъёсты ӧтьыны луэ. Учке ай, кыӵе соос умой, сюлмысь «Герд лыдӟонъёсын» выступать каризы, докладъёссы но туж ӟеч дасямын вал
Татьяна Ишматова, «Удмурт Кенеш» огазеяськонлэн тӧроез

ВАТСАН

Удмуртъёслэн III огъяросси ӧтчамзы Сарапулын 25-тӥ куарусёнэ 1919-тӥ арын усьтӥськиз. Отын эскерем ужпумъёс пӧлын вал: школаос, лыдӟиськонниос, нылпи садъёс усьтон; дышетон но гурт удысъёслы ӧнерчиосты дасяны курсъёс радъян; издательство кылдытон; вашкала кылёсбурез, выжыкылъёсты, кырӟанъёсты люкаса, вордскем шаерез эскерон борды басьтӥсько. Отын ик Удмуртъёслэн ужъёссыя шор комиссариат кылдытон сярысь пумкылъян кутӥзы. III ӧтчам удмурт калыкез огазеянын но автономиез кылдытонын бадӟым инты басьтӥз.

Тодэ вайытом, 2018-тӥ арын куартолэзе Алабгоын (Елабугаын) удмуртъёслэн нырысетӥ ӧтчамзы дырысен 100 ар тырмонлы сӥзем улосвылкуспо конференцизы ортчиз

Наши партнеры

Наверх
Вниз